Pedodoncia dhe frika nga dentisti. Këto janë teknikat për t'u përballur më mirë me seancën stomatologjike

Është fakt që Pedodoncia, që unë preferoj ta përkufizoj Stomatologjia Infantile, po ngjall gjithmonë e më shumë interesin e mjekëve stomatologë duke parë kërkesën e madhe për kura, sigurisht që kalon kapacitetin e kësaj kategorie për t'iu përgjigjur. Megjithatë fëmija akoma shikohet nga shumë Stomatologë si një pacient i vështirë dhe pak i disponueshëm ndaj kurave.
Në të vërtetë siç i është shfaqur Chia-s në Sardegna në Kongresin e 9 Internacional të Shoqatës Italiane të Stomatologëve në Qershor, një njohje edhe vetëm bazë e Psikologjisë së Aplikuar dhe e risive të ndryshme që kërkimi na ka vënë në dispozicion këto vitet e fundit, na lejon që të veprojmë në mënyrë efikase dhe pa dhimbje dhe të përftojmë jo vetëm realizimin e terapive por edhe krijimin e fëmijëve dhe kështu në të ardhmen të të rriturve që nuk kanë, përgjatë gjithë jetës, frikë nga dentisti.

Një nga instrumentet më efikase është sigurisht përdorimi i Sedacionit Koshient me protoksid azoti. Kjo teknikë, duke mos qenë një teknikë anesteziologjike por një teknikë e anxiolysis, nuk i përket botës së anesteziologjisë por asaj të stomatologjisë. Punohet në një pacient të zgjuar, që ruan të gjithë reflekset e mbrojtjes (kollë, përtypje etj.) dhe mund të përdoret në klinikat tona pa risqe edhe në fëmijë shumë të vegjël. Kjo metodë shumë e përdorur jashtë dhe që po përhapet me shpejtësi dhe në Itali, përdor një përzierje të protoksidit dhe oksigjenit: protoksidi për bllokimet e sigurisë të pranishme te makineritë për stomatologjinë, nuk mund të rritet mbi 70% të përzierjes dhe si pasojë është i lidhur me 30% të oksigjenit (ajri atmosferik përmban 21%) pra kemi një pacient gjithmonë të hiperoksigjenuar. Sedacioni lejon që t'i heqim fëmijës ankthin dhe frikën e dhimbjes që janë përgjigje fiziologjike me një ngjarje të re për të dhe shqetësuese dhe e bën që të përjetojë mirë eksperiencën stomatologjike duke e bërë që të mposhtë në mënyrë progresive frikërat irracionale, por në fillim të kuptueshme dhe duke transformuar një pacient të vogël ndonjëherë kokëfortë në një individ plotësisht bashkëpunues dhe që do të vijë, edhe pse me kohë të ndryshme nga rasti në rast, duke mos pasur më nevojë për të përdorur këtë teknikë në të ardhmen.

Ky rezultat përftohet gjithmonë te fëmija ndërsa jo gjithmonë te një i rritur i terrorizuar ku edhe pse duke e trajtuar me qetësi, vështirë do të arrihet, me atë ndërtim psikologjik, deri në pikën që ta bëjmë të heqë dorë nga përdorimi i "maskës".
Makineritë që përdoren janë parashikuar me bllokime sigurie, që ndalojnë në mënyrë absolute që të bëhen gabime apo që të haset ndonjë lloj risku. Është sigurisht e dobishme që të dimë se në shumë shtete të SHBA-së kjo metodë lejohet, duke parë sigurinë e saj absolute, për Higjienistët dentarë pa praninë e mjekut.
Me përfundimin e trajtimit efekti i protoksidit ezaurohet në pak minuta dhe pacienti mund të largohet në qetësi të plotë nga klinika pa asnjë efekt rebound. Në Itali ekziston një shoqatë AISOD (Associazione dei Sedazionisti Italiani) dhe ekziston një blog në të cilin është e mundur që të regjistroheni dhe të merrni përgjigje për dyshime të mundshme edhe duke lexuar historikun.
Edhe përdorimi i shiringave të reja elektronike, absolutisht pa dhimbje, lejon që të kalojmë këtë fazë fillestare që shqetëson aq shumë dentistët jo të mësuar për të trajtuar pacientë të vegjël dhe për të kryer kura në qetësi të plotë pa stresin e pacientit si edhe të mjekut, që është gjithashtu e rëndësishme.
Sigurisht edhe teknikat e reja diagnostikuese të bazuara në teknologjinë laser si Diagnodent që shfrytëzon përgjigjen e ndryshme të rrezes laser të dentinës me karies në krahasim me atë të shëndetshme dhe Diagnocam që punon, gjithmonë me teknikën laser për trans-iluminimin duke bërë të dukshme në monitor dhe prishje shumë të vogla dhe interproksimale me diagnozë të vështirë pa përdorur rrezet e jonizuara, gjë shumë e rëndësishme te fëmijët, që lejojnë që të zbulojmë sulmin karioz gjithmonë e më herët dhe që të mund të ndërhyjmë me teknika të reja si përdorimi i azotit për të kryer terapitë.
Ozoni, O3 është oksiduesi më i fortë që ekziston në natyrë dhe ka një fuqi shumë të lartë dezinfektuese dhe një kapacitet selektiv për të goditur qelizat e sëmura pa prekur ato të shëndetshme, për të shkatërruar ngarkesën bakteriale dhe për të neutralizuar aciditetin e zonës karioze duke e spostuar "me dhunë" drejt bazikes dhe kështu për të stimuluar një riaplikim të dhunshëm të joneve të kalciumit dhe fluorit nga pështyma në karies me një frenim të procesit shkatërrues.

Ozoni aplikohet në zonën me karies nëpërmjet këllëfit prej silikoni të masave të ndryshme në të cilat makineria, fillimisht krijon boshllëkun për të shmangur që pacienti të thithë këtë gaz potencialisht toksik dhe më pas rrotullon në brendësi të strukturës mbështetëse të izoluar për kohë që variojnë nga 10 në 60 sekonda, ozon me përqendrim të lartë. Nëse gjatë aplikimit humbet boshllëku i makinerisë ajo bllokohet menjëherë.
Përqendrimi i lartë është absolutisht i domosdoshëm për të përftuar një dezinfektim të vlefshëm. Ozoni duke qenë një gaz i paqëndrueshëm duhet të prodhohet në moment nga një makinë e posaçme që përmban një transformator që prodhon shkarkime elektrike nëpërmjet të cilave kalohet, me zgjedhjen e mjekut, ose ajër atmosferik ose oksigjen që mbahet në bombola të ngjitura me makinerinë që fuqizon më pas efektin dezinfektues. Ozoni është gjithashtu shumë efikas në të gjitha lezionet e mukozës me një efekt befasues në afte dhe Herpes. Aplikimi është absolutisht pa dhimbje pasi gazi del në temperaturë ambienti dhe ushtron presion (nga momenti që makineria punon me presion negativ). Kjo metodë gjithashtu pranohet mirë dhe nga fëmijët më të vegjël duke lejuar që të "shërohen" prishjet më të vogla apo që të shtyhen për më vonë ato më të mëdhatë, terapia për 4-5 vjeçarët ku fëmija është lehtësisht i trajtueshëm.

Përdorimi i Dagnocam për diagnozën preoperatore, imazhi shfaqet në monitorin e poltronit

Terapia e lezionit nga përtypja ka një eliminim të menjëhershëm të dhimbjes dhe shërimi ndodh në pak ditë

Të gjitha këto metoda kanë sigurisht rezultate maksimale në një studim që konsideron parandalimin e detyrës së parë stomatologjike duke kujtuar se pothuajse gjithmonë të rriturit me probleme të mëdha stomatologjike do të referojnë se problemet e tyre kanë filluar që fëmijë. Në fakt nga 6 në 15 vjeç dhëmbët janë në fazë maturimi dhe smalti i tyre nuk ka arritur fortësinë që do të ketë si adult dhe kështu është shumë më i ndjeshëm ndaj kariesit. Në të kundërt, të çosh një individ deri në 15 vjeç të shëndetshëm, do të thotë që t'i garantosh një jetë prej adulti pothuajse sigurisht pa karies.

Ky është motivi për të cilin unë prej më shumë se 35 vitesh merrem vetëm me fëmijët, nuk pranoj vizita të para mbi 8 vjeç dhe ia besoj pacientët e mi, që mbushin 16 vjeç, kolegëve që trajtojnë të rritur për kontrolle periodike.
Ka qenë për mua një kënaqësi e madhe kur vajza ime Francesca vendosi që të ndjekë rrugën time dhe prej 13 vitesh bashkëpunon me entuziazëm që të çojë përpara projektin tim "klinikë pedodontike".
Besoj se kolegët më të rinj duhet të reflektojnë që të bëjnë një zgjedhje të këtij lloji dhe mund të garantoj që mund t'i japë atyre shumë më shumë kënaqësi nga sa mund të imagjinojnë.

Përktheu: Erjola Taga