Lidokaina e tamponuar Vs Lidokaina tradicionale. Një kërkim i huaj ka vlerësuar se cila është më efikase

Doza të vogla të lidokainës së tamponuar kanë një efekt analgjezik më të madh në krahasim me dozat standarde të lidokainës së patamponuar. Kjo është zbuluar në takimin e fundit AAOMS (American Association of Oral and Maxillofacial Surgeons) të San Francisco-s, ku James Phero DDS MD i University of North Carolina ka prezantuar rezultatet e një kërkimi të publikuar në Journal of Oral and Maxillofacial Surgery. Në studim pacientët referojnë më pak dhimbje gjatë injektimit të Lidokainës së tamponuar 1% me Adrenalinë në krahasim me Lidokainën e patamponuar 2% me Adrenalinë. Përfitimet e dozimit të ulët dhe të përshtatshmërisë më të mirë janë shumë të vlerësuara në pedodonci.

Studimi ka përfshirë 24 pacientë midis 20 dhe 30 vjeç të cilëve i është administruar një anestezi në bllokun nervor në gjysmë maksilën inferiore, fillimisht me 4 ml Lidokainë të tamponuar 1% me Adrenalinë dhe pas dy javësh të njëjtën dozë Lidokaine të patamponuar 2% me Adrenalinë.

Pacientët kanë referuar në mënyrë domethënëse më pak dhimbje gjatë injektimit të solucionit të tamponuar në krahasim me atë tradicional. Niveli i anestezisë nga molari te kanini i matur me testet në të ftohtë ishte i mbivendosur. Solucioni i patamponuar ka kërkuar një kohë më të gjatë për largimin e parestezive post anestezisë.
Lidokaina e tregut me adrenalinë ka pH 3,5 për të favorizuar ruajtjen. Kur injektohet ka një kohë latante për të favorizuar tamponimin fiziologjik të lëngjeve të indeve në pH Neutral. Nëse medikamenti injektohet - shpjegon Phero - drejtpërdrejt i tamponuar me Bikarbonat natriumi, është menjëherë i disponueshëm për veprim analgjezik pa ndryshuar dozimin e vazokonstriktorit (adrenalina).
Mungesa e vetme e studimit është kampioni pothuajse i reduktuar, por autorët po punojnë me kërkime analoge në popullsi më të gjera dhe po përdorin dhe artikainën e tamponuar.

Davis Cussotto

Për më tepër.
Buffered 1% Lidocaine With Epinephrine Can Be as Effective as Nonbuffered 2% Lidocaine With Epinephrine for Maxillary Field Block. Journal of Oral and Maxillofacial Surgery. Volume 75, Issue 10, Pages2071-2075. James A. Phero, Victor T. Warren, Anson G. Fisher, Eric M. Rivera, Pooja T. Saha, Glenn Reside, Ceib Phillips, Raymond P. White Jr., Raymond P. White.

Përktheu: Erjola Taga