Keni vendosur që të promovoni klinikën, ja 10 gabimet që duhen shmangur

Për të mos "hapur gropën" me duart tona, nevojitet që të çlirohemi nga këto 10 gabime tipike që duhen shmangur:

1) Të mos pyesësh se çfarë publikon? Mos të kesh krijuar më parë markën klinikë dentare dr. Rossi. Targa, stampat e preventivëve, ftesat për vizitë, siti ueb, janë instrumentet e komunikimit pjesë e të njëjtës familje që identifikon markën dr. Rossi. Koherenca e stilit grafik dhe logo do të riprodhohen në grafikën e reklamës. E gjithë kjo i jep siguri dhe besim pacientit.

2) Të mos disponosh instrumentet në mënyrë që të gjendesh. Të reklamosh një jo-vend është dëmtuese. Nëse deri pak vite më parë ishte e mjaftueshme që të përdorje targën, telefonin dhe faqet e verdha, sot nevojitet që klinika të jetë e pranishme aty ku pacientët kërkojnë dentistin, pra faqen ueb. Për të bërë këtë duhet të krijosh tre gjëra: siti ueb, profili facebook dhe skeda e aktivitetit google my business. Janë të realizueshme me një investim të përmbajtur dhe themelojnë me sukses fushatat advertising (reklamuese).

3) Të mos fiksoni një buxhet për shpenzimet vjetore për fushatën dhe mos shpërndani burimet ekonomike në shpenzime të vogla pa asnjë projekt.

4) Të parapëlqeni në mënyrë të tepruar kanalet tradicionale (radio, TV, shtypin, telefonatat e ftohta, sinjalistikën). Paraqesin tre kritika:
• janë të kushtueshme për financat e një klinike me përmasa të vogla
• rezultatet nuk janë të matshme (asnjë nuk e di sa persona lexojnë një njoftim në gazetë!)
• bezdisin pacientin potencial që ndërpritet nga një aktivitet që po bën (dëgjon një këngë etj).

5) Të imitoni përmbajtjet e ADV të zinxhirëve dentarë që kanë një farë homogjeniteti që synon drejt:
• çmimit
• implanteve
• çmim + implante
• orari i gjatë i hapjes

6) Të mos identifikosh në fazën e projektimit pikët e tua të forta (të identifikosh privilegjet dhe çfarë na diferencon nga të tjerët në fushën ku operojmë). Këto do të jenë përmbajtjet e ADV sonë, (trajtimi i OSAS, trajtimi i pacientëve me nevoja të veçanta, ortodoncia me maskerina transparente, pedodoncia, shërbimi i higjienës me takim të paracaktuar për herën tjetër, kurora dhe inlays in same day dentistry, ndihmë e shpejtë, mjekësi estetike, etj.)

7) Të lësh pas dore të ashtuquajturin marketing i përmbajtjeve, pra duhet të ndihmosh pacientët potencialë që të gjejnë informacionet mbi shëndetin oral që çdo ditë kërkojnë në google. Mund ta bësh me një kosto të përmbajtur duke përdorur instrumentet që ke krijuar (pika 2). Nuk është një formë publiciteti tout court (e shkurtër dhe e thjeshtë) por rikualifikon dentistin si lider të mendimit, duke krijuar një figurë me vlerë të cilës mund t'i drejtohesh në moment nevoje.

8) Të lësh pas dore facebook ADS dhe Google ADS. Këto njoftime publicitare janë shumë efikase pasi bazohen në interesat e pacientëve. Njerëzit në Facebook shfaqin një interes të tyrin duke vendosur "Like" në faqen e një shërbimi, marke, vendi, libri, filmi etj. Këto të dhëna mblidhen dhe përpunohen nga Facebook në mënyrë anonime dhe vihen në dispozicion të reklamuesve. Nëse për shembull jeton në Chiesina Uzzanese dhe do të promovosh aktivitetin tënd të ortodoncisë të moshës evolutive, mund t'i tregosh njoftimin tënd femrave (> se 25 dhe < se 50 vjeç) me fëmijë që jetojnë në Toscana, Emilia dhe Liguria Oreintale dhe që janë të orientuar drejt shëndetit të mirë. Ky publicitet në rrjetet sociale është i fuqishëm dhe funksionon pikërisht sepse lejon seleksionimin e targetit (grupit të synuar) në mënyrë shumë më precize në krahasim me atë të lejuar nga mediat tradicionale ose nga forma të tjera publiciteti online (si për shembull banderolat klasike). Mundëson monitorimin e rezultateve (Facebook insight) dhe ka një kosto të përballueshme për klinikën e vogël. Google ADV ka karakteristika të ngjashme.

9) Të mos monitorosh në kohë rezultatet e fushatës së ndërmarrë. Krijo shpejt një kuti në skedën e parë që duket të pacientit në të cilën e pyet se si e ka njohur klinikën dhe trego një seri përgjigjesh të përpiluara më parë për t'iu përzgjedhur (të njohur, gazeta, interneti etj.) Numëro rezultatet çdo 3/6 muaj.

10) Të mos i drejtohesh profesionistëve që të të ndihmojnë dhe këshillojnë për realizimin, bashkë, të sitit tënd në internet por dhe ndërtimin e fushatës së komunikimit dhe të përmbajtjes.

Davis Cussotto, bashkë autor i librit Digital marketing për stomatologët

Rreth argumentit mund të lexoni dhe:

18 Korrik 2017: Dentistët dhe publiciteti. Ja sa investojnë, ku investojnë dhe a janë të kënaqur

Përktheu: Erjola Taga