Roli i dentistit te gruaja në menopauzë. Sipas ekspertit, simptomat e para prekin gojën dhe dhëmbët

Gjatë menopauzës gratë mund të humbasin 40% të masës kockore të përgjithshme dhe në organizëm realizohen ndryshime në sekretimin e estrogjenit, hormon që ushtron veprim mbrojtës ndaj kockës. Për ta kujtuar këtë është Joan Otomo-Corgel, DDS, president i American Academy of Periodontology që nëpërmjet revistës dr Bicuspid kujton sesi humbja e kockës lokalizohet përtej shtyllës kurrizore edhe te nofulla. "Faktor ky", - thotë Corgel, - "që rrit fillimin e sëmundjeve periodontale, duke favorizuar humbjen e dhëmbëve."

"Destistët dhe higjienistët dentarë" - vijon - " duhet të jenë të ndërgjegjshëm për këto ndryshime dhe të shohin me shumë kujdes shëndetin e gojës."
Në moshën 40 vjeçare 10% e grave ka çrregullim të ciklit menstrual që shpesh çojnë edhe në menopazën e parakohshme. Por 80% shfaq, çrregullim nga mosha 45 vjeç deri në moshën 55 vjeç. Profesionistët e shëndetit oral duhet të ndihmojnë pacientet që të ndërgjegjësohen për efektet e menopauzës, që dallohen fillimisht në gojë e më pas në organet e tjera.

"Historia është shumë rëndësishme" - vijon Corgel - "për të kuptuar, nëse ciklet janë të rregullt, nëse pacientet po përballen me një terapi homonale zëvendësuese, nëse ka patur një histerektomi. Duhet të bëhet e ditur nëse janë në terapi estrogjenike zëvendësuese dhe prej sa kohësh, si edhe nëse ka apo jo trashëgimi për osteoporozën."
Barnat që të predispozojnë ndaj osteoporozës duhen marrë parasysh: ranitidina dhe nënproduktet e saj për trajtimin e gastritit kronik dhe refluksit gastroezofagal, si dhe antikoagulantët, antikonvulsantët dhe disa barna kimioterapie.

Kërkime të shumta vënë në dukje që osteoporoza nga menopauza predispozon humbjen e dhëmbëve sepse përkeqëson rrjedhën e sëmundjes periodontale.
Protokollet e higjienës parandaluese duhet të marrin parasysh pra këta faktorë kur afrohet koha për vizitat e kontrollit.
Pacientet pa dhëmbë me proteza totale kanë nevojë, më pas, për ribazime më të shpeshta për shkak të ndryshimeve të shpejta kockore.

Në kujdesin e: Davis Cussotto, stomatology Twitter @DavisCussotto

Përktheu: Valbona Spahia