Diabeti dhe shëndeti oral, lidhje e rrezikshme e anashkaluar nga të sëmurët

Pacientët diabetikë kanë tendencën për të reduktuar vizitat te dentisti, të dhënat nga dy kërkime mbi temën

Francesca Giani

Për pacientët e prekur nga diabeti të kryesh rregullisht vizita stomatologjike kontrolli, është një moment i rëndësishëm i procesit të kurimit edhe sepse një patologji e tillë lidhet me një risk më të madh të sëmundjes periodontale, me pasojën e një përkeqësimi në nivelet e sheqerit në gjak dhe të komplikimeve. Por pikërisht ata - në krahasim me personin që ka një gjendje para diabeti ose që nuk paraqet patologjinë - kanë tendencën që të shkojnë më pak te dentisti, me faktin se, sot incidenca e diabetit duket se po rritet.

Kuadri del në pah nga dy publikime të kohëve të fundit: i pari studimi Usa "Trends in annual dental visits among US dentate adults with and without self-reported diabetes and prediabetes, 2004-2014", publikuar në The Journal of the American Dental Association që ka analizuar të dhëna që lidhen me 2,5 milion persona nga 21 vjeç, duke marrë në konsideratë dhe informacione mbi vizitat stomatologjike, gjithashtu dhe sondazhin vjetor Usa "Behavioral Risk Factor Surveillance System". E dyta arrin në fakt nga të dhënat e të XI Italian Diabetes & Obesity Barometer Report, prezantuar kohët e fundit.

Për sa i përket kërkimit të kampionit të konsideruar, 248.203 persona paraqesin diabet, 30.520 para diabet dhe 2.221.534 nuk rezultojnë të kenë këtë patologji. Por, sipas asaj që del në pah, përqindja e kontrolleve vjetore te dentisti zvogëlohet, në periudhën e marrë në konsideratë, ndër personat me diabet ishin nga 66,1% në 61,4%, ndërsa zvogëlimi rezulton më i ulët (66-64,9%) për ata që paraqesin kushtin e para diabetit dhe për personat që nuk e kanë këtë patologji (71.9-66.5%).

Një fakt shqetësues ky duke parë se të njëjtët kërkues nxjerrin në pah, se si vizitat e rregullta te dentisti mundësojnë që problematikat periodontale të zbulohen që në lindje dhe që të nisin sa më parë të jetë e mundur një trajtim të tyrin, me një impakt mbi kontrollin e glicemisë në gjak dhe një parandalim të komplikimeve. Por akoma dhe më shumë nëse kuadri haset me atë që zbulohet nga i XI, Italian Diabetes & Obesity Barometer Report, që ka nxjerrë në pah se si në Itali sipas të dhënave të Istat të 2016, janë më shumë se 3 milion e 200 mijë personat që deklarojnë se kanë diabet, me një përqindje mbi të gjithë popullsinë që ka kaluar në harkun e 30 viteve nga 2,9 në 5,6%. Sipas organizatës Botërore të Shëndetësisë jo vetëm është dyfishuar përhapja e diabetit e tipit 2, por gjithashtu dhe vdekshmëria që lidhet me këtë patologji ose me komplikimet dhe duke parë parashikimet në 2030 diabeti mund të përfaqësojë, në Europë, shkakun e katërt të vdekjeve.

Duhet thënë se, të paktën për sa i përket Italisë, te të dhënat ndikojnë: plakja e popullsisë, rritja e mbijetesës së të sëmurëve me diabet dhe parashikimi i moshës së diagnozës.

Përktheu: Erjola Taga