Karakteristikat klinike të një reaksioni alergjik ndaj lugës për marrjen e masës në polieter

Reaksionet alergjike dhe hiperndjeshmëria ndaj materialeve të lugës për marrjen e masave që mund të verifikohen gjatë trajtimeve dentare nuk janë aq të rralla, për më tepër nëse flitet pak, pasi shumë pak studime të kohëve të fundit janë të pranishme në literaturë. Për materialet e lugës në polieter, të përdorur zakonisht në stomatologji që nga viti 1970 përshkruhen reaksione alergjike për të cilat është kërkuar që të shmanget kjo problematikë duke ndryshuar përbërjen e katalizatorit për të reduktuar riskun e alergjive.
Në vijim rastet e reaksioneve alergjike janë reduktuar por janë gjithnjë të mundshme. Në një studim raportohet se 10 pacientë në 2000 shfaqin reaksione alergjike në veçanti ndaj katalizatorit metil-diklorobenzen sulfonat.

Alergjia mund të ketë shfaqje të ndryshme që shkojnë nga një skuqje e lehtë në dhimbje të forta, gojë që djeg me stomatit të përhapur, tharje e mukozës, stomatit dhe keilit jospecifik. Pacientët shpesh nuk janë të ndërgjegjshëm për këtë reaksion alergjik, gjë që e bën identifikimin e hershëm të shkakut pothuajse të pamundur. Megjithatë simptomat zakonisht fillojnë pas 24 orësh dhe për më tepër në pacientë me një histori të vazhdueshme të reaksioneve alergjike. Megjithatë mund të kenë dhe një hiperndjeshmëri të vonuar (Tipi IV) dhe një hiperndjeshmëri të menjëhershme (Tipi I).
Në një artikull të publikuar në Journal of Prosthetic Dentistry, shfaqet rasti klinik i një gruaje 74 vjeçare që kurohet pranë Departamentit të Protezave të Ludwig Maximilians University, Monaco në Baviera, Gjermani, për rehabilitim mandibular të anës së majtë. Luga për marrjen e masës është realizuar me një polieter (Impregum Penta; 3M ESPE). Asnjë problem nuk është raportuar nga pacientja apo të jetë vërejtur nga stomatologu gjatë momentit të punës.

Pacientja ka referuar pas marrjes së masës simptoma të tharjes së gojës dhe fillimin e një fryrje të lehtë dhe skuqje. Pas 24 orësh pacientja papritur ka shfaqur dhimbje dhe fryrje të buzëve dhe gjuhës dhe skuqje me njolla të bardha në mukozën mandibulare që ishte në kontakt me materialin e lugës në polieter. Frymëmarrja dhe përtypja ishin të pandryshuara. Këshilla e stomatologut ishte që pacientja t'i nënshtrohej një terapie antihistaminike por pacientja ka preferuar vetëm marrjen e barnave kundër dhimbjes (ibuprofen 600 mg) dhe të kryejë shpëlarje me klorheksidinë 0.2%. Pas 24 orësh (48 orë pas marrjes së masës), skuqja dhe fryrja ishin qetësuar tashmë. Pas 10 ditësh është përftuar shërimi i plotë i mukozave.

Reaksionet alergjike ndaj materialeve të lugës për marrjen e masës nuk janë kaq të shpeshta por janë të mundshme. Stomatologët duhet të dinë t'i njohin dhe t'i identifikojnë alergjitë ndaj materialeve të lugës përveç se të identifikojnë riskun e pacientëve të tyre dhe në këto raste të parapëlqejnë materiale luge alternative ndaj polietereve si për shembull ato në polivinil siloksan.

Nën kujdesin e: Lara Figini, Koordinatore Shkencore, Odontoiatria33

Përktheu: Erjola Taga