Sa mirë i menaxhojmë keratocistet odontogjenike?

Një studim multicentrik

Nga Lara Figini

Keratocistet odontogjenike (OKC), të njohura edhe si tumor odontogjenik keratocistik, janë agresive në mënyrë lokale dhe përsëriten shpesh, me pjesën më të madhe të recidivave që paraqiten brenda 5 vjetësh nga trajtimi.

Kjo patologji e ka origjinën nga indi epitelial që merr pjesë në formimin e dhëmbit (shtresa e dhëmbit).

Mund të jetë uni ose multi-lokulare, është në rritje invazive dhe ka si tendencë të zgjerohet në brendësi të indit kockor duke induktuar riabsorbimin. Kur nuk diagnostikohet dhe trajtohet ato mund të çojnë në deformimin e kockës së prekur dhe të indeve të buta, të prokurojnë dhimbje, zhvendosje të dhëmbëve, parestezi dhe anestezi për kompresionet e nervave.

Trajtimi është kryesisht kirurgjikal dhe parashikon heqjen e lezioneve, të ndjekur nga një follow-up i kujdesshëm.

Tipologjia e kërkimit dhe modaliteti i analizës
Në një studim të publikuar në OOO në prill 2019, autorët kanë kërkuar që të japin përgjigje për çështjen e përqindjes kompleksive të recidivës së keratocisteve odontogjene 5 vite pas trajtimit dhe se cilët faktorë lidhen me të.

Ky studim multicentrik i kohortit retrospektiv ka marrë në konsideratë pacientët për vlerësimin dhe menaxhimin e OKC që nuk janë trajtuar kurrë më parë për këtë problematikë.

Variablat parashikuese janë rigrupuar në kategori demografike, mjekësore, radiografike dhe operative. Variabla e rezultatit primar përfaqësohej nga koha e recidivës së lezionit.

Analizat e të dhënave janë kryer duke përdorur analizën bivariate dhe modelet e riskut proporcional të Cox univariate ose multivariate.

Rezultate
Janë analizuar 231 keratociste (OKC). Nga të cilat 57 (24,7%) janë trajtuar nëpërmjet dekompresionit dhe cistektomisë së mbetur, 86 (37,2%) nëpërmjet enukleacionit pa terapi adjuvante dhe 78 (33,8%) nëpërmjet enukleacionit me osteoktomi periferike.

Janë regjistruar 44 recidiva me një kohë mesatare 26,7 muaj.

Konkluzione
Nga të dhënat e nxjerra nga ky studim, të cilat duhet të konfirmohen me punime të tjera analoge, mund të dalim në përfundimin se duke përdorur analizën e përshtatshme të mbijetesës time-to-event, që ka parasysh edhe rastet e humbura të follow-up, për pesë vjet pas trajtimit të keratocisteve ka një përqindje shërimi pa recidivë me 29%.

Lezionet mandibulare, lezionet multilokulare dhe ato që trajtohen me dekompresion dhe cistektomi të mbetur rezultojnë më së shumti të lidhura me recidivën.

Implikime klinike
Norma e recidivës për keratocistet odontogjene është sjellë gjerësisht në literaturë si një përqindje e thjeshtë, që mund të nënvlerësohet.

Studimi aktual është më i madhi deri më sot që është paraqitur në literaturë dhe që ka analizuar normën e recidivës duke përdorur analizën e mbijetesës së përshtatshme time-to-event.

Për më tepër:
Kinard B, Hansen G, Newman M, Dennis P, Haeffs T, Perez S, Hamao-Sakamoto A, Steed M, Hughes P, August M, Abramowicz S. How well do we manage the odontogenic keratocyst? A multicenter study. Oral Surg Oral Med Oral Pathol Oral Radiol 2019 Apr;127:282-8.

Përktheu: Valbona Spahia