Lidhja ndërmjet gastritit dhe problematikave dento-periodontale

Nga Lara Figini

Helicobacter pylori (H. pylori) është një bakter gram-negativ në formë spirale që transmetohet me anë të rrugëve oro-fekale, me një temperaturë optimale nga 36 deri në 42°C dhe ka një pH optimal ndërmjet 5 dhe 7.

Pylori lidhet ngushtë me patologji të ndryshme, ndërmjet të cilave gastriti, një risk më i lartë për zhvillimin e tumorit ezofageal, tumorit të stomakut dhe limfomës së indit limfoid mukozal.

Studime të ndryshme të literaturës kanë evidentuar se prania e sasive të mëdha të Helicobacter pylori në zgavrën orale mund të predispozojë më shumë ndaj fillimit të patologjive orale.

Tipologjia e kërkimit dhe modaliteti i analizës
Në një studim të publikuar në Journal of Periodontology në prill 2019 autorët kanë vlerësuar lidhjen ndërmjet kolonizimit gastrik të H. pylori dhe atyre orale dhe ndërmjet kolonizimit oral të H. pylori dhe fillimit të problematikave orale dhe dentare.

Ky studim transversal është kryer në King Fahad University në Khobar, Arabia Saudite Lindore, në 2017. Pacientët e pranuar në njësinë endoskopike janë rekrutuar dhe klinikisht i janë nënshtruar ekzaminimit oral për të regjistruar dhe analizuar të dhënat rreth sasisë së pllakës bakteriale orale, sasisë së dhëmbëve me karies (D), sasisë së dhëmbëve të mbushur (F), sasisë së dhëmbëve që mungojnë (M), thellësisë së xhepave periodontale (PPD), humbjen e atashmentit klinik (AL) dhe gjakrrjedhjen gingivale.

Janë regjistruar edhe të dhëna rreth moshës, gjinisë, zakoneve të higjienës orale në shtëpi, përdorimit të furçës dhe fillit interdentar dhe zakoneve të duhanpirjes, që janë mbledhur me anë të një pyetësori.

Nga këta pacientë janë grumbulluar kampione të pllakës dentare dhe janë analizuar nëpërmjet PCR për të zbuluar praninë e H. pylori në nivel oral. Biopsitë e marra nëpërmjet gastroskopisë janë kryer për të vlerësuar praninë e gastritit dhe të H. pylori gastrik.

Analiza e regresionit është përdorur për të vlerësuar diferencat ndërmjet pacientëve me dhe pa gastrit, ndërmjet pacientëve me H. pylori oral dhe H. pylori gastrik në pjesët me gjakrrjedhje gingivale, PPD, CAL, D, M dhe F.

Rezultate
Njëqind pacientë janë përfshirë në studim. Pjesa më e madhe e tyre i lante dhëmbët çdo ditë (82,6%) dhe ka marrë një instruksion universitar (45,7%). Nga këto, 34,2% paraqisnin H.pylori gastrik dhe 5% H. pylori oral.

Asnjë lidhje e konsiderueshme nuk është observuar ndërmjet përqindjes së pjesëve me gjakrrjedhje gingivale, PPD të shtuar, AL, F dhe prani të gastritit.

Pacientët me gastrit, në fakt manifestonin një numër të konsiderueshëm më të lartë të dhëmbëve me karies dhe atyre që mungojnë në krahasim me ata që nuk janë prekur nga gastriti (P=0,03).

Konkluzione
Nga të dhënat e nxjerra nga ky studim, që duhet të konfirmohen me punime të tjera analoge, mund të dalim në përfundimin se prania e H. pylori gastrik në nivel oral te pacientët me higjienë të mirë orale dhe status socioekonomik të moderuar nuk lidhet në mënyrë të konsiderueshme me patologjitë periodontale.

Pacientët e prekur nga gastriti, në fakt, priren që të kenë një numër më të madh të dhëmbëve me karies dhe atyre që mungojnë.

Për më tepër:
Alagl AS, Abdelsalam M, El Tantawi M, Madi M, Aljindan R, Alsayyah A, AlHumaid J, Hussameddin AM, Alsulaiman RM, AlQurain A. Association between Helicobacter pylori gastritis and dental diseases: a cross-sectional, hospital-based study in Eastern Saudi Arabia. J Periodontol 2019 Apr;90(4):375-80.

Përktheu: Valbona Spahia