CT/CBCT dhe artefaktet e imazheve të gjeneruara nga implantet në zirkon ose titan

Një studim ka vlerësuar incidencën duke këshilluar instrumentin më të përshtatshëm

Nga Lara Figini

Dokumentimi radiografik pre dhe post-trajtim është bërë tashmë thelbësor në implantologji qoftë për shkak të një planifikimi të saktë qoftë për shkak të kontrolleve në distancë. Radiografia intraorale është përdorur zakonisht për të vlerësuar kockën perimplantare, humbjen e kockës marginale dhe për të dokumentuar osteointegrimin e munguar, megjithëse ky lloj ekzaminimi radiografik për shkak të natyrës bidimensionale, shtrembërimit gjeometrik dhe mbivendosjes anatomike, nuk zbulon plotësisht gjendjen e procesit alveolar, prandaj për të planifikuar ndërhyrjet implantologjike aktualisht duhet t'i drejtohemi tomografisë së kompjuterizuar (CT) ose tomografisë së kompjuterizuar me rreze konike (CBCT) që kanë avantazhin e ofrimit të imazheve tridimensionale (3D) duke dhënë informacione edhe mbi trashësinë e kockës bukale dhe linguale/palatale dhe mbi shkallën e rigjenerimit kockor përreth implanteve. Por, imazhet CT dhe CBCT janë subjekt i artefakteve metalike radiografike dhe pavarësisht përpjekjeve të konsiderueshme, këto problematika ende sot janë të pazgjidhura.

Tipologjia e kërkimit dhe modaliteti i analizës
Në një studim laboratorik të publikuar në Qershor 2019 autorët kanë vlerësuar artefaktet e gjeneruar nga implante në zirkon, titan dhe në titan-zirkon tek imazhet e marra nëpërmjet rezonancës magnetike (MRI), tomografisë së kompjuterizuar (CT) dhe tomografisë së kompjuterizuar me rreze konike (CBCT). Autorët kanë marrë tre manekinë ku janë inkorporuar implante në zirkon, titan dhe titan-zirkon. Pra janë marrë imazhe nëpërmjet MRI, CT dhe CBCT me më shumë sekuenca dhe me cilësime të ndryshme. Për rezonancën magnetike, "artefakti" është përshkruar si gjatësi e sinjalit të pavlefshëm përveç limiteve të implantit. Për CT dhe CBCT, "artefakti" është llogaritur duke zbritur nivelin gri të pixel me ngjyrë më të errët nga niveli i pixel me ngjyrë më të hapur.

Rezultate
Në rezonancën magnetike, implantet në zirkon paraqisnin artefakte me shtrembërime të vogla, ndërsa implantet në titan dhe në zirkon-titan artefakte të zgjeruara (P<.05). CT dhe CBCT tregojnë më pak artefakte, ndërsa imazhet e marra nëpërmjet CT dhe CBCT tregojnë artefakte më pak të rëndësishme në rastin e implanteve në zirkon dhe në lidhje zirkoni. CT gjeneron artefakte më të mbështetur në krahasim me CBCT. Dimensione më të mëdha të voxel në CBCT reduktojnë zonën/dozën e produktit dhe gravitetin e artefakteve.

Implikime klinike
Sipas implanteve të pranishëm është e këshillueshme që stomatologu të zgjedhë modalitetin e imazherisë më të përshtatshëm, që ofron sasinë më të vogël të artefakteve, nëse dëshirojmë që të diagnostikojmë me saktësi një gjendje patologjike në afërsi të implanteve ose të kryejmë një planifikim të saktë të implanteve. Implantet e zirkonit gjenerojnë artefakte të rëndë më të vegjël me rezonancë magnetike, ndërsa implantet në titan dhe në lidhjen titan-zirkon gjenerojnë më pak artefakte me tomografinë e kompjuterizuar dhe tomografinë e kompjuterizuar me rreze konike.

Përktheu: Valbona Spahia