Translucenca e qeramikave CAD/CAM: A ndryshojnë vlerat me kalimin e kohës për shkak të rrezeve UV?

Eksperiment in vitro

Nga Lara Figini

Rritja e kërkesave estetike nga ana e pacientëve ka sjellë zhvillimin gjithnjë e më të madh të varietetit të materialeve estetike dhe restaurimet estetike të suksesit klinik kombinojnë një translucencë të saktë me një korrespondencë të saktë të ngjyrave, në mënyrë që të ofrohet një aspekt natyral.

Materialet e restaurimeve dhe protezave janë të ekspozuara në zgavrën orale, njësoj si dhëmbët natyralë, ndaj një sërë kushtesh, ndërmjet të cilave është ndërveprimi me rrezet UV dhe variacionet e vazhdueshme të temperaturës dhe lagështisë që përçojnë ata ndaj një procesi "plakjeje".

Tipologjia e kërkimit dhe modaliteti i analizës
Në një studim in vitro, të publikuar në Journal of Esthetic Restorative Dentistry në mars 2019, autorët kanë analizuar vlerat e translucencës së tipeve të ndryshme të materialeve qeramike CAD/CAM pas një periudhe kohore me UV për të vlerësuar nëse "plakja UV" mund të ndikojë translucencën e këtyre materialeve me kalimin e kohës.

Autorët kanë përgatitur 70 kampione (n=10 për çdo grup) nga Bruxzir Anterior (BA), E. max Cad (CE), Lava Ultimate (LU), Cerasmart (CE), Vita Enamic (VE), Vita Suprinity (VS), Vita Mark II (VM) me trashësi 1 mm ± 0,01 mm. Matjet e ngjyrës janë ndjekur duke përdorur një spektrofotometër (VITA Easyshade).

Janë analizuar dhe regjistruar vlerat relative ndaj parametrave të translucencës (RTP) të kampioneve përpara (RTP1) dhe pas "plakjes" nga rrezet UV (RTP2). Analizat statistikore janë kryer me matje të përsëritura me ANOVA me 2 mënyra të ndryshme me testin e Bonferroni (P<0,05).

Rezultate
Janë gjetur diferenca të konsiderueshme (P<0,05) ndërmjet vlerave RTP1 dhe RTP2. Nuk janë zbuluar diferenca të konsiderueshme ndërmjet vlerave RTP1 të CE dhe VS (P = 0,779); EC dhe VM (P = 0,952); VM dhe LU (P = 0,995); EP dhe LU (P = 0,653).

Rreth vlerësimeve të vlerave RTP2, VE dhe BA kanë qenë në mënyrë të konsiderueshme më të ndryshëm se të tjerët (P<0,05). Reduktimi më i madh i RTP është observuar për Lava Ultimate (LU); reduktimi më i vogël i RTP është observuar për Vita Mark II (VM) dhe Cerasmart (CE).

Konkluzione
Nga të dhënat e nxjerra nga ky studim, që në fakt duhet të konfirmohen me punime të tjera analoge, mund të dalim në përfundimin se "plakja" me rrezet UV shkakton rritjen e opacitetit të materialeve CAD/CAM dhe një reduktim të translucencës me kalimin e kohës.

Glass-ceramic VE ka vlera të larta të translucencës (RTP), ndërsa zirkoni CAD/CAM ka vlera të larta të opacitetit.

Implikime klinike
Stomatologët duhet të jenë të vetëdijshëm se restaurimet dentare protetike priren që të bëhen gjithnjë e më opake me kalimin e kohës, prandaj në rastet kur kërkohet estetika maksimale dhe translucenca për një kohë sa më të gjatë të jetë e mundur preferohet që të zgjidhen materialet që ofrojnë degradimin më të vogël estetik.

Për më tepër:
Turgut S, Kýlýnç H, Baðýþ B. Effect of UV aging on translucency of currently used esthetic CAD-CAM materials. J Esthet Restor Dent 2019 Mar;31(2):147-52.

Përktheu: Valbona Spahia