Restaurimet direkte të elementeve posteriore: rasti klinik i restaurimit

Global Clinical Case Contest 2018/2019

Punimi i Mariangela Cernera, nga Universiteti Federico II i Napoli, është klasifikuar në vend të parë në edicionin 2018/2019 të Global Clinical Case Contest, konkursi universitar botëror që Dentsply Sirona organizon çdo vit (nga 2004) me objektivin për të vlerësuar me çmim rastet klinike më të mira të realizuara nga studentët e vitit të V dhe të VI në degën e Stomatologjisë dhe Protetikës me materialet nga fusha e Konservativës.

Këtë vit kanë marrë pjesë 35 studentë që vinin nga 14 universitete të ndryshme italiane. Të gjitha rastet janë vlerësuar nga një juri shkencore që përbëhej nga profesorë universitarë dhe dentistë me famë kombëtare dhe ndërkombëtare që kanë dekretuar klasifikimin përfundimtar.

Fitues të tjerë kanë qenë: në vend të dytë Luca Franchella nga Universiteti i G.D'Annunzio në Chieti-Pescara dhe në vend të tretë Anna Scarpis nga Universiteti i Padovës.

Restaurimet direkte të elementeve posteriore: rasti klinik i restaurimit
Klasa e II e Black paraqesin një nga kushtet klinike më të shpeshta që gjenden në stomatologjinë restaurative. Objektivi përfundimtar i terapisë duhet të jetë gjithmonë rikthimi i elementeve dentare, që arrihet nëpërmjet riprodhimit të anatomisë origjinale.

Në rastin e paraqitur, një paciente me moshë 23 vjeç është paraqitur në Njësinë e Stomatologjisë restaurative në Universitetin e Napolit "Federico II", duke referuar në zonën e kuadrantit të parë, dhimbje dhe gjakrrjedhje, ku kjo e fundit shkaktohej nga manovrat e higjienës orale në shtëpi.

Në ekzaminimin objektiv pacientja shfaq në elementet 1.4, 1.5 dhe 1.6 restaurime të vjetra të papërshtatshme në kompozitë që nxitin grumbullimin e pllakës me pasojë inflamacionin gingival (fig. 1); ekzaminimi radiografik i tipit bite-wing evidenton karies sekondar nën margot restaurativë.

Fig. 1 Kuadro klinike përpara trajtimit me margo të papërshtatshme dhe inflamacion gingival

Me këto informacione në zotërim, pacientes i propozojmë ribërjen e restaurimeve të vjetra, duke u kryer me teknikën e drejtpërdrejtë.

Mbushjet e vjetra hiqen së bashku me dentinën e përkeqësuar dhe të dekalcifikuar, por duke i kushtuar vëmendje ruajtjes së indit të shëndetshëm. Në këtë fazë nuk është përdorur ndarësja e gomës me qëllim që të mos humbasin të dhënat referuese nga indet e buta dhe në të njëjtën kohë për të lidhur me saktësi margon cervikale.

Pavarësisht kaviteteve të klasës II pak a shumë të zgjeruara, cilësia e indit dentar të mbetur dhe margot e përgatitjes iuxtagingivale na lejojnë të kryejmë restaurime direkte në kompozitë (fig. 2), në përputhje me planin e trajtimit që është propozuar.

Fig. 2 Aspekti i anatomisë së mbetur

Inflamacioni i periodontium sipërfaqësor nuk ka lejuar që të përfundohet trajtimi me një seancë të vetme: pra kemi kryer mbushje provizore në rezinë fotopolimerizuese, pa përdorur procedura shtesë të cementimit ose adezionit.

Sapo të arrihet shërimi i indeve të buta, pas rreth dy javësh, janë hequr mbushjet provizore dhe është izoluar fusha operative. Janë ripërpunuar margot e përgatitjes, pra është përcaktuar shkalla e qafës së dhëmbit dhe muret aksiale të tre kaviteteve dhe në fund është hequr smalti që nuk mbështetej në dentinë (fig. 3).

Fig. 3 Aspekti i kaviteteve të përgatitura

Për të lehtësuar rregullimin e sipërfaqeve interproksimale është përdorur sistemi i matricave seksionale Palodent V3 (Dentsply Sirona) dhe duke parë bashkimet e tyre janë vendosur dy matrica njësoj njëra pas tjetrës, duke i pozicionuar në zonat e kontaktit në një lartësi të përshtatshme me pikat e kontaktit të pranishme në muret e paprekura të dhëmbëve 1.4 dhe 1.6.

Janë inseruar pra pykat e paraformuara në mënyrë që të kemi një përshtatje sa më të mirë në nivel cervikal dhe janë pozicionuar dy unaza ndarëse me qëllim që të rritet përshtatja e matricave të mureve vestibulare dhe palatale. Optimizimi i rezultatit është marrë me përdorimin e topthave të teflon, të shtyra me një spatul modelimi ndërmjet matricës dhe pykës (fig. 4).

Fig. 4 Pozicionimi i matricave seksionale Palodent V3

Në hapin pasues është aplikuar DeTrey Conditioner 36 (Dentsply Sirona) për gdhendjen e smaltit për 15" (fig. 5); më pas sipërfaqet e trajtuara janë shpëlarë për 15".

Fig. 5 Gdhendja e sipërfaqeve

Është proceduar me krijimin e adezivit Prime&Bond Active në të gjitha sipërfaqet që do trajtohen, me një lëvizje energjike për 20". Tretësi është eliminuar me reaktiv me ajër të moderuar dhe adezivi është polimerizuar për 10".

Në qafën e dhëmbëve është vendosur një shtresë e hollë kompoziti bulk fill SDR flow+ (Dentsply Sirona) dhe pas polimerizimit është proceduar me rikrijimin e kreshtave marginale (fig. 6) duke ndjekur një teknikë me shtresa të segmentuara në dy shtesa.

Përpara heqjes së matricës, muret e riparuara janë përforcuar me kompozitë flow të përdorur si vijëzues.

Fig. 6 Aspekti i kreshtave marginale të sapo rikonstruktuara

Për kryerjen e restaurimeve, teknika e shtresëzimit horizontal për shtesat më të thella (të realizuara me SDT flow+), është ndjekur nga një teknikë e modelimit me gdhendje.

Kompozita estetike Ceram.x duo D3 (Dentsply Sirona) është modeluar në mënyrë që të paraprijë anatominë e kufirit okluzal në dentinë, mbi të cilin, polimerizimi i kryer është aplikuar me ngjyrë kafe për të parë perceptimin tridimensional të anatomisë. Kompozita me translucencë të lartë Ceram.x duo E3 (Densply Sirona) është përdorur për të riprodhuar dhe perfeksionuar anatominë sipërfaqësore, duke desaturuar ngjyrën e dentinës dhe të superngjyrës kafe nën të.

Sipërfaqja okluzale është mbuluar me glicerinë dhe është polimerizuar sërish për të arritur konvertimin total të monomereve sipërfaqësore, të frenuara nga oksigjeni. Kontrolli okluzal nëpërmjet letrës së artikulimin 40 mikron ka lejuar identifikimin dhe eliminimin e pikave të prekontaktit (fig. 7,8).

Fig. 7 Restaurimet e fundit por pa lëmimin dhe lustrimin

Fig.8 Kontrolli i okluzionit

Në hapin e fundit të lëmimit dhe lustrimit janë përdorur sisteme Enhance dhe Enhance PoGo (Dentsply Sirona) dhe si kalim i fundit është bërë shkëlqimi me pastën Prisma Gloss (Fig. 9).

Fig. 9 Restaurimet e sapo lëmuara dhe lustruara

Si përfundim, plani i trajtimit ka parashikuar heqjen e restaurimeve të vjetra dhe kryerjen e mbushjeve provizore për një periudhë dy javore, të nevojshme për të lejuar shërimin e periodontium të sipërfaqes.

Restaurimet e reja, estetikisht dhe funksionalisht të vlefshme, kanë zgjidhur problemet e pacientes, duke garantuar një rezultat të qëndrueshëm me kalimin e kohës (Fig. 10).