Si të menaxhojmë një karies të thellë të klasës së dytë: protokolle dhe truke

Aktualisht stomatologjia restorative nuk mund të bëjë pa disa fortesa si adezioni, rezinat kompozitë dhe digën e gomës për të nxjerrë restaurime shumë estetike dhe të besueshme.

Në rastin e ilustruar një pacient është paraqitur me dhimbje në kuadrantin e dytë. Në ekzaminimin radiografik është evidentuar një lezion karioz në shkallën D3 në ngarkesë të elementit 25.

Vendoset për një restaurim në kompozitë, me shpresën që pulpa e dhëmbit të mos ketë pësuar dëmtime irreversibël. Pas anestezisë dhe aplikimit të digës së gomës kryhet gërryerja dhe pastrimi i kavitetit, hiqet dentina e infektuar, rregullohen margot dhe pas gdhendjes selektive aplikohet adezivi universal.

Me qëllim që të arrihet një pikë kontakti e saktë përdoret një matricë seksionale me një unazë ndarëse Garrison Composi-Tight 3D Fusion, që lejon një modelim të saktë morfologjik pikërisht në zonat interproksimale ndërmjet premolarit dhe molarit të parë.

Më pas aplikohet kompozita sipas teknikës së përcaktuar me emrin "teknika e modifikuar e ndërtimit centripetal"¹. Pasi ka përfunduar shtresëzimi, restaurimi lëmohet dhe lustrohet. Hiqet diga e gomës dhe kryhen rregullime të vogla okluzale.

 ¹Fabianelli A, Sgarra A, Goracci C, Cantoro A, Pollington S, Ferrari M. Microleakage in class II restorations: open vs closed centripetal build-up technique. Oper Dent 2010 May-Jun;35(3):308-13.

Figura 1. Rx pre-operativ

Figura 2. Pamja pre-operative: lezioni i klasës së dytë nuk është klinikisht shumë i dukshëm edhe pse është mjaft i zgjeruar

Figura 3. Pamja laterale pre-operative

Figura 4. Aplikimi i digës së gomës

Figura 5. Aksesi okluzal fillestar i lezionit

Figura 6. Përcaktimi i margove të lezionit

Figura 7. Aplikimi i një liner bio aktiv pranë pulpës

Figura 8. Kaviteti i përgatitur për procedurat adezive dhe restorative

Figura 9. Aplikimi i një matrice seksionale (Garrison Composi-Tight 3D Fusion Rings FX600)

Figura 10. Gdhendja selektive (Tokuyama Enamel Etching)

Figura 11. Aplikimi i adezivit të smaltit të dhëmbit (Tokuyama Universal) dhe e shtresës së hollë të kompozitës së lëngshme në pjesën cervikale

Figura 12. Aplikimi i një shtrese të kompozitës me qëllim që të krijohen muret interproksimale që mungojnë

Figura 13. Restaurimi i kompletuar

Figura 14. Restaurimi pas procedurave të lëmimit dhe lustrimit

Figura 15. Heqja e digës së gomës

Figura 16. Pamja laterale e restaurimit të përfunduar

Figura 17. Kontrolli radiografik për vlerësimin e shtresës së dentinës së mbetur

Figura 18. Kontrolli pas një jave

Përktheu: Valbona Spahia

Për të votuar duhet të vendosni kredencialet tuaja në Medikey

Interesant ( 35 votim / mesatar 3 )