Menaxhimi i anomalive të formës në sektorin frontal: si të përdorim me saktësi matricat metalike

Luca Tacchini

Rasti klinik i paraqitur i referohet një pacienteje të re në moshë 18 vjeçare që referon pakënaqësi për buzëqeshjen e saj.
Në veçanti është e pakënaqur nga anomalia e formës së incizivëve lateralë.

Duke marrë parasysh moshën e re të pacientes u vendos që të kryhet një trajtim estetik i bazuar te fasetat me restaurime të drejtpërdrejta në kompozitë për të korrigjuar volumin e 12 dhe 22.

Foto 1: Situata intraorale fillestare. Pacientja kërkon korrigjim të formës së incizivëve lateralë për të përmirësuar estetikën e grupit frontal. Trajtimi estetik parashikon një fasetë direkte për të korrigjuar volumin e 12 dhe 22.

Pra kryhet një previzualizim në kompozitë të drejtpërdrejtë që sapo i tregohet pacientes ajo vendos të pranojë planin e trajtimit të propozuar.

Më pas procedohet me seancën për pastrimin e elementëve dentarë me furçë dhe vijohet me izolimin e digën e gomës.

Foto 2: Izolimi

Në anën meziale dhe distale të 12 dhe 22 vendosen matrica Garrison Composi-Tight 3D Slick Band Verdi, falë të cilave është e mundur që t'i rikthejmë secilit element dentar profilin estetik dhe pikën e saktë të kontaktit.

Matricat metalike të përdorura, të veshura me teflon, përbëjnë një ndihmë shumë të vlefshme jo vetëm te sektorët posteriorë por edhe tek ata anteriorë, falë qëndrueshmërisë së tyre dhe mundësisë për t'u pre-modeluar që të udhëhiqet shtresëzimi i restaurimit.

Matricat kryejnë funksionin e mbështetësit gjatë fazave të shtresëzimit të kompozitës, që në këtë rast përdoret në një monomasë unike (Shofu A2 LS).
Raporti i kompozitës përfundohet me disqet e lustrimit me kokrriza të vogla dhe goma me shkallë të ndryshme abraziviteti.

Më pas vendosen linjat e tranzicionit dhe krijohen perikymata me frezë me flakë me kokrriza të kuqe.
Në fund restaurimi lustrohet për shkëlqim me një gominë me spirale fleksibël.

Në imazhet e mëposhtme është treguar pamja në kontrollin pas 50 ditësh ku duket rezultati estetik i arritur në një seancë të vetme që ka zgjatur 1 orë (45 minuta operative), pa asnjë prekje më pas.

Përktheu: Valbona Spahia