Gjurma dixhitale e protezave fikse të mbështetura në implante: krahasimi i 8 skanerave intraoralë

Nga Lara Figini

Cementimi pasiv është një faktor primar për suksesin klinik afatgjatë dhe mbijetesën e një proteze dentare fikse (FDP) që mbështetet mbi implante.

Saktësia e vogël gjatë fazave teknike të marrjes së gjurmës ose gjatë prodhimit të protezës mund të çojë në një cementim të papërshtatshëm dhe të stabilizuar nga proteza fikse e më pas në komplikacione teknike, mekanike dhe biologjike.

Faza e marrjes së gjurmës ka qenë gjithmonë e pranishme edhe te sistemet tradicionalë, një hap shumë delikat por thelbësor për suksesin në të ardhmen dhe kohëzgjatjen e protezave prandaj kjo vlen edhe për sistemet dixhitale në rastet e protezave mbi implante.

Por cilët skanerë intraoralë duhen besuar për rehabilitimet e rëndësishme me proteza fikse totale mbi implante?

Tipologjia e kërkimit dhe modaliteti i analizës
Në një studim italian in vitro, të publikuar në Journal of Prosthodontic Research në tetor 2019, autorët kanë krahasuar saktësinë e gjurmës dixhitale intraorale për realizimin e një proteze fikse totale mbi implante të marrë me 8 skanerë të ndryshëm intraoralë (IOS).

Autorët kanë realizuar një model akrilik në polimetakrilat të një mandibule edentule me gjashtë abutment mbi implante. Tetë skanerë të ndryshëm itraoralë (IOS) janë përdorur për marrjen e gjurmëve dixhitale: True Definition, Trios, Cerec Omnicam, 3D progress, CS3500, CS3600, Planmeca Emelard dhe Dental Wings.

Janë prodhuar pesëmbëdhjetë gjurmë dixhitale. Është zhvilluar një software i quajtur "Scan-abut" për të analizuar dhe janë krahasuar gjurmët dixhitale me modelin master, duke arritur saktësinë e skanimit.

Rezultate
Nga analiza e rezultateve është evidentuar që True Definition dhe Trios kanë treguar që kanë shërbime më të mira në krahasim me grupet e tjera të skanerëve.

Cerec Omnicam dhe CS3600 kanë evidentuar një shërbim mesatar. CS3500 dhe Planmeca Emelard kanë evidentuar shërbime mesatare-të ulëta, ndërsa 3D progress dhe Dental Wings kanë treguar shërbime të ulëta.

Analiza nga distanca 3D ka treguar një marrëdhënie të mirë lineare ndërmjet gabimeve dhe distancës skanim-abutment vetëm me True Definition dhe CS3600.

Konkluzione
Nga rezultatet e këtij studimi in vitro, që duhet të konfirmohen me punime të tjera analoge, mund të dalim në përfundimin që jo të gjithë skanerët intraoralë janë të përshtatshëm për të zbuluar saktësisht gjurmët dixhitale të protezave fikse për të gjithë harkadën të mbështetura nga implantet dhe që rëndesa e file output të gjeneruar është e pavarur nga saktësia e skanerëve IOS.

Implikacione klinike
Nevojiten studime të tjera in vivo për saktësinë e gjurmës dixhitale, për të kuptuar shërbimet e skanerëve inovativë intraoralë.

Për më shumë informacione:
Di Fiore A, Meneghello R, Graiff L, Savio G, Vigolo P, Monaco C, Stellini E. Full arch digital scanning systems performances for implant-supported fixed dental prostheses: a comparative study of 8 intraoral scanners. J Prosthodont Res 2019 Oct;63(4):396-403.

Përktheu: Valbona Spahia