Mbijetesa dhe komplikacionet e implantologjisë për 15 vite

Nga Lara Figini

Aktualisht implantologjia dentare është një terapi rutinë e kryer nga pacientët e rinj por edhe tek individët më në moshë, me apo pa problematikë sistemike.

Pavarësisht se implantologjia është ushtruar që prej disa dekadave dhe janë të pranishme studime të shumta që lidhen me të, shumë pak mund të gjenden në literaturë me një periudhë follow-up - i më të gjatë se 10 vjet që janë në gjendje të përshkruajnë fillimin e të gjitha komplikimeve biologjike dhe teknike.

Tipologjia e kërkimit dhe modaliteti i analizës
Në një studim retrospektiv, të publikuar në Journal of Oral Rehabilitation në janar 2020, autorët kanë vlerësuar rezultatet afatgjata (9-15 vjet) të terapisë implantare.

Ata kanë vlerësuar normat e mbijetesës dhe komplikacioneve dhe kanë identifikuar indikatorët e riskut të këtyre komplikacioneve duke ju referuar pacientëve dhe implanteve.

Janë përfshirë 376 pacientë të trajtuar me implante dentare (n=1095) ndërmjet vitit 1999 dhe 2005 në një klinikë të specializuar në Stokholm, Suedi. Të dhënat longitudinale janë grumbulluar në mënyrë retrospektive nga kartelat dixhitale.

Pacientët e përfshirë në studim i janë nënshtruar një ekzaminimi klinik follow-up - i për 9 - 15 vite (n=163). Janë përshtatur testi chi-square, analiza e Kaplan-Meier dhe procedura e ekuacioneve të vlerësimit të përgjithshëm (GEE) për analizat multinivel.

Rezultate
Norma kumulative e mbijetesës së implanteve për 15 vjet ka qenë 82,6%. Prevalenca e komplikacioneve biologjike dhe teknike ka rezultuar respektivisht 52% dhe 32%. Në mënyrë kompleksive, janë verifikuar 763 komplikacione. 65% e pacientëve ka pasur të paktën një komplikacion.

Humbja e implanteve është verifikuar në mënyrë të konsiderueshme më shpesh tek individët me anamnezë të periodontitit të rëndë në shkallën III-IV dhe në rastet kur janë regjistruar komplikacione gjatë ndërhyrjes kirurgjikale. Duhanpirja ka rezultuar një indikator risku i rëndësishëm për perimplantitin.

Implikime klinike
Planifikimi shëndetësor apo ndërgjegjësimi për risqet dhe komplikacionet e implantologjisë për një kohë të gjatë është thelbësor qoftë për pacientët qoftë për profesionistin.

Për më tepër: Adler L, Buhlin K, Jansson L. Survival and complications: a 9- to 15-year retrospective follow-up of dental implant therapy. J Oral Rehabil 2020 Jan;47(1):67-77.

Përktheu: Valbona Spahia