Zirkoni: një material i së ardhmes në implantologji?

Lara Figini

Pritshmëritë estetike të pacientit për rehabilitimin dentar kanë filluar të jenë mbizotëruese, duke çuar dentistët që të fokusohen më shumë në zgjedhjen e tyre të materialeve estetike në vend të materialeve me bazë metali në mënyrë që të përmbushen kërkesat e pacientit.
Konvergjenca ndërmjet revolucionit dixhital dhe zhvillimit të shkencës së materialeve ka ofruar një zgjidhje potenciale ndaj limitimeve biologjike, estetike dhe mekanike të raportuara me implantet konvencionale në titan që mbështesin restaurimet, duke i ofruar pacientëve, në implantologji një alternativë protetike pa metal, me potencial estetik të optimizuar dhe efikasitet në termat kohë-kosto, duke ofruar në të njëjtën kohë biokompaktibilitet të krahasueshëm dhe veti mekanike të vlefshme.

Materiale dhe metoda
Në një rishikim të fundit, të publikuar në Dental Materials në janar 2020, autorët kanë ofruar një përshkrim të hollësishëm të punimit të publikuar mbi aplikimin e zirkonit për implantet dentare dhe restaurimet e implanteve prej titani, me theksin mbi studimet klinike nga 10 vitet e fundit me follow up prej të paktën 1 viti. Bazat e të dhënave online (Pubmed, Science Direct, Web of Science) u konsultuan në lidhje me këtë temë. Punimet e publikuara nga viti 2007 deri në vitin 2009 u grumbulluan dhe analizuan, e më pas artikujt e përshtatshëm u zgjodhën për përfshirje në këtë rishikim.

Rezultate
Asnjë avantazh nuk është dokumentuar në termat e biokompaktibilitetit, osteokonduktivitetit, vetive fizike ose alergjenicitetit me implantet në zirkon krahasuar me ata në titan, me përjashtim të avantazhit estetik.
Ndërkohë që studimet afat-shkurtër kanë qenë premtuese, testet klinike multi-qendërshe, longitudinale ose të randomizara me të dhëna të suksesshme janë kërkuar ose vlerësuar si një alternativë e zbatueshme krahas titanit dhe dezajnit të tij.
Abutmentet në zirkon me një bazë prej titani kanë pasur një shkallë të lartë mbijetese dhe nuk kanë treguar diferenca krahasuar me metalin.
Restaurimet qeramikë-zirkon me dy shtresa janë një trajtim i vlefshëm alternativ krahas restaurimeve të implanteve në qeramikë me kurora teke me komplikacione biologjike të ngjashme dhe estetikë më të mirë.
Restaurimet monolitike të zirkonit janë premtuese ndaj incidencës së krisjes së restaurimeve qeramike me dy shtresa, por nevojiten studime afatgjata dhe duhet të punohet për të përmirësuar estetikën e tyre.
Porcelani feldspathic gingival që vesh protezën totale me zirkon monolitik kundrejt një proteze në rezinë metali, në studimet afat-mesme, ka një shkallë të lartë mbijetese dhe një shkallë të ulët komplikacioni mekanik, kosto të reduktuara laboratorike, karakteristika më të mira të fortësisë dhe veshjes, përputhje të madhe për shkak të fabrikimit dixhital, disponueshmëri të file dixhital për duplikim në të ardhmen, provë me akrilik për përshtatje dhe aprovim dhe reduktim të pllakës dhe grumbullimit të biofilmit.

Konkluzione
Nga të dhënat e këtij rishikimi, që duhet të konfirmohet me rishikime të tjera, mund të dalim në konkluzionin se rrjedha dixhitale që përdor të gjitha materialet qeramike në zirkon i ofron pacientëve me implante një alternativë protetike pa metal, me potencial estetik dhe efikasitet në termat kohë-kosto, që sigurojnë në të njëjtën kohë biokompaktibilitet dhe veti mekanike që krahasohen me sistemet tradicionale me metal.

Zirkoni është një material me veti të shumta për zbatimin protetik të implantit. Sidoqoftë, studimet multi-qendërshe afatgjata nevojiten për të vlerësuar kriteret dhe shkallën e suksesit pas një periudhe kohore. Zirkoni monolitik ofron veti mekanike të larta për restaurimet e implanteve, por nevojiten zhvillime të mëtejshme për të optimizuar estetikën.

Për më tepër: Has zirconia made a material difference in implant prosthodontics? A review

Përktheu: Valbona Spahia