Vlerësimet klinike të implanteve transmukozale me qafë konvergjente në zonën estetike: studimi perspektiv 3 vjeçar

Një studim italian vlerëson nëse shtimi i hapësirës së indeve të buta peri-implantare duke përdorur një sistem implantar me qafë konvergjente në nivelin e indit në lidhje me teknikën BOPT lejon një përmirësim të qëndrueshmërisë së indeve të buta peri-implantare dhe të rezultatit estetik.

Luigi Canullo

Objektivi i kërkimit të Canullo et al., të publikuar në Journal of Prosthetics Dentistry në
shkurt 2020, ishte që të vlerësohej nëse shtimi i hapësirës së indeve të buta peri-implantare
duke përdorur një sistem implantar me qafë konvergjente në nivelin e indit në lidhje me
teknikën BOPT (Biological Oriented Preparation Technique) do të lejonte një përmirësim
të qëndrueshmërisë së indeve të buta peri-implantare dhe të rezultatit estetik.

Tipologjia e kërkimit dhe modaliteti i analizës
Në kërkim janë përfshirë 15 pacientë (në total 16 implante) me të paktën një dhëmb të
parekuperueshëm në zonën estetike ose me agenesis bashkëshoqëruese dhe janë vendosur
implante me qafë konvergjente në nivelin e indit (Prama, Sweden & Martina) 3 muaj pas
ekstraktimit të elementit të dëmtuar. Pas 3 muajsh, është zbuluar një gjurmë tradicionale
në silikon për të realizuar një abutment në zirkon dhe kurorën përfundimtare të cementuar
me disilikat litiumi.
Më pas janë kryer radiografi intraorale dixhitale me teknikën paralele për të vlerësuar
rezorbimin e mundshëm kockor në momentin e dorëzimit të rehabilitimit protetik dhe pas
3 vitesh nga shërimi.
Pink esthetic score (PES) të modifikuar nga Belser është përdorur si indeks për të
vlerësuar rezultatin estetik të rehabilitimit. Kjo lejon vlerësimin estetik të papilave, lakimin
dhe nivelin e sipërfaqeve vestibulare, konveksitetin e rrënjës dhe ngjyrën apo kufirin gingival.
Pikët 0, 1 apo 2 janë shënuar për secilin nga 5 parametrat me 10 pikë maksimale për
implantin.

Rezultate
Pas 3 vitesh mbijetesa implantare dhe protetike ka qenë me 100%. Niveli i rezorbimit
kockor ka qenë me 0,071±0,11 mm duke indikuar një sjellje të shkëlqyer të indeve të
forta peri-implantare. Pikët mesatare të PES ka qenë 8,5±1,59 duke paraqitur një rezultat
të shkëlqyer estetik.
Përdorimi i teknikës BOPT për vendosjen e implanteve me qafë
konvergjente në nivelin e indit ka garantuar rezultate të shkëlqyera estetike dhe një ruajte të shkëlqyer për
3 vite të indeve peri-implantare të forta dhe të buta.
Qafa transgingivale konvergjente e implantit Prama, e realizuar për të qenë si vijimësi e
abutment, paraqet avantazhe të rëndësishme në lidhje me një qafë divergjente ose të
drejtë:
- Kurora përfundimtare mund të cementohet direkt në qafën e implantit, duke
ngjitur ndërfaqen implant-abutment;
- Kjo ngjitje mund të pozicionohet në lartësi të ndryshme duke ndjekur profilin
ideal të dhëmbit dhe nuk duhet të jetë domosdoshmërisht në të njëjtin plan si me
implantet tradicionale;
- Sipërfaqja konvergjente krijon një shtim të hapësirës për indet e buta
peri-implantare duke favorizuar stabilizimin e indeve gingivale.

Konkluzione
Rezultatet e arrira duken shumë premtuese por duhet të vlerësohen me studime të
mëtejshme që parashikojnë një grup kontrolli dhe një follow-up më të madh.

Për më tepër:
Canullo L, Menini M, Covani U, Pesce P. Clinical outcomes of using a prosthetic
protocol to rehabilitate tissue-level implants with a convergent collar in the esthetic
zone: a 3-year prospective study. J Prosth Dent 2020;123(2):246-51.

Përktheu: Valbona Spahia