Case report: heqja e implantit të frakturuar dhe zëvendësimi me implante BTI dhe ndihmën e PRGF-Endoret®

nga Marco Mozzati, Giorgia Gallesio

Pacientja, një grua 57 vjeçare, ka ardhur në klinikën tonë për shkak të një frakture implanti në pjesën 3.6. Pas një vlerësimi klinik dhe radiologjik vendosëm të vijojmë me heqjen e implantit të frakturuar dhe zëvendësimin e tij me dy implante BTI në pjesën 3.6 dhe 3.7.
Është kryer një ndërhyrje e vetme kirurgjikale në të cilën është hequr implanti i frakturuar, është kryer ekstraksioni i 3.8 dhe janë pozicionuar dy implante BTI, respektivisht me diametër 4 dhe diametër 5.
Për këtë rast është vendosur që të përdoret PRGF-Endoret® në bashkëpunim me terapinë implantare për të përmirësuar proceset e osteointegrimit dhe për të përhapur më lehtësisht materialet e graftit. Përdorimi i hemoderivatëve lehtëson gëlltitjen dhe administrimin e biomaterialit kockor duke shmangur shpërndarjen. Ky rast është menaxhuar duke ndjekur protokollin e Anitua që parashikon respektimin maksimal të indit kockor duke filluar që nga përgatitja e pjesës që bëhet me shpejtësi të ulët dhe pa irrigim për të rikuperuar kockën e hequr.
Implantet përpara pozicionimit lagen me likid PRGF-Endoret® të aktivizuar në mënyrë që të mbushet ndërfaqja implant-kockë me faktorët e rritjes dhe proteinat duke limituar kështu inflamacionin lokal dhe duke përshpejtuar procesin e osteointegrimit.
Këto studime kanë treguar sesi sipërfaqja implantare e lagur me PRGF-Endoret® përcakton një nano-mbulim biologjikisht aktiv që modifikon ndërfaqen kockë-implant, duke shtuar kontaktin me 85% duke favorizuar formimin e kockës së fortë lamallare përreth implantit dhe duke e bërë të padallueshme palcën nga kortikalja në të gjitha seksionet e analizuara. Sapo pozicionohen implantet vendoset edhe implanti i graftit i përzier me përmbajtjen trombocitare dhe mbi të lidhet një membranë fibrine autologe. Në këtë rast koha e dytë kirurgjikale kryhet me pozicionimin e një grafti lidhor që merret nga qiellza me qëllim që të shtohet gingiva aderente peri-implantare.

Fig. 1 Radiografia intraorale evidenton një implant intrakockor të frakturuar.

Fig. 2 Kontrolli klinik në zonën e prekur; vihet re pjesa kirurgjikale pas një incizioni në kreshtë dhe ekstraksioni i 3.7

Fig. 3a-c Pjesa e mbetur e implantit hiqet duke lënë një boshllëk kockor

Fig. 4a-c Sekuenca kirurgjikale e përgatitjes implantare, vidhosja dhe pozicionimi i pjesës mbuluese

Fig. 5a-c Materiali i graftit i përzier me përqendrimin trombocitar; mbi të lidhet një membranë në fibrinë autologe

Fig. 6a, b Pas suturës injektohet në inde një koncentrat në formë sol

Fig. 7 Radiografia intraorale e kontrollit pas 3 muajsh nga ndërhyrja

Fig. 8 Pjesa e dytë kirurgjikale me pozicionimin e një grafti lidhor të marrë nga qiellza.

Fig. 9 Radiografia intraorale pas 12 muajsh nga vendosja protetike që evidenton qëndrueshmërinë e indit kockor peri-implantar

Përktheu: Valbona Spahia

Për të votuar duhet të vendosni kredencialet tuaja në Medikey

Interesant ( 34 votim / mesatar 3 )