Osteiti alveolar, verifikohet roli negativ i duhanit dhe i kontraceptivëve oralë

Për të reduktuar riskun e osteitit alveolar te femrat, dentistët duhet të informohen nëse pacientet e tyre konsumojnë kontraceptivë oralë dhe nëse pinë duhan: janë këto implikimet klinike të treguara nga Diane R. Bienek e Shoqatës së dentistëve amerikanë dhe James J. Filliben, i cili merret me statistikat në National Institute of Standards and Technology, në përfundim të një studimi të publikuar në numrin e fundit të "Jada".

Osteiti alveolar (ose alveoliti i thatë) është një gjendje dentare e dhimbshme që mund të shfaqet pas heqjes së një dhëmbi të përhershëm; është komplikimi më i zakonshëm i ekstraksioneve dentare dhe shfaqet me dhimbje dhe inflamacion që nisin zakonisht pak ditë pas ekstraksionit të dhëmbit. Shkaktuar nga shkrirja e parakohshme e koagulit të gjakut, sjell ekspozimin e kockës edhe nëse zgjidhet spontanisht mund të jetë shumë e dhimbshme.
Shkaqet nuk janë akoma të njohura mirë dhe janë sugjeruar faktorë të shumtë, të ndryshëm risku të llojit anatomik, të sjelljes, farmaceutik dhe hormonal, ndërkohë që duket i saktësuar mirë roli i luajtur nga estrogjeni në një fushë ku faktorë të ndryshëm ngatërrues i kanë penguar deri më tani analizave që të mundësojnë udhëzime të qarta dhe të padiskutueshme.

Pikërisht për shkak të influencës së faktorëve hormonalë kërkuesit amerikanë i kanë vënë vetes objektiv për të verifikuar rreziqet e alveolitit të thatë te femrat që përdorin kontraceptivë oralë dhe kanë vlerësuar bazat kryesore të të dhënave mjeko-shkencore për të identifikuar artikujt e publikuar deri më tani rreth kësaj teme.
Meta-analiza e rezultateve ka çuar në kualifikimin, edhe te femrat që nuk përdorin kontraceptivët oralë, një risk të osteotitit alveolar më të lartë se 20% krahasuar me meshkujt. Por risku ka rezultuar pothuajse i dyfishuar me përdorimin e këtyre barnave hormonale. Në fakt nuk ka prova për një risk më të ulët apo më të lartë që lidhet me ekstraksionet dentare të kryera në korrespondencë të menstruacioneve. Një influencë negative konfirmuar nga 85,7% e studimeve është në fakt ajo e duhanit, që shkaktohet me shumë mundësi nga interferenca me të ashtuquajturën kaskadë e koagulimit që çon në formimin efektiv të koagulave. Për më tepër presioni negativ brenda zgavrës së gojës që ushtrohet nga duhani mund të favorizojë nga ana e tij krijimin e osteotitit alveolar.

Adelmo Calatroni

Përktheu: Valbona Spahia