Cilat kompozita janë më të mira për restaurimet direkte të sektorëve posteriorë

Kompozitat nanohibride vs kompozitat hibride: të dhënat e një rishikimi të fundit sistematik

Gjendja aktuale e artit të kompozitave ka evoluar në mënyrë të konsiderueshme që nga futja e këtyre materialeve në stomatologji. Në dekadat e fundit kanë përcjellë përpjekjet e tyre në tentativën për të realizuar kompozita kryesisht me monomere të përmirësuara në karakteristikat mekanike përveç atyre estetike.
Lloji i fillerit, për shembull, influencon qoftë radio-opacitetin qoftë vetitë mekanike të materialit, duke shtuar tejdukshmërinë dhe duke përmirësuar manipulimin, veçanërisht konsistencën, lustrimin dhe qëndrueshmërinë e shkëlqimit. Kompozitat janë klasifikuar përgjithësisht në bazë të specifikave mbushëse, si për shembull shpërndarja dhe përmasat mesatare të pjesëzave.
Përmasa e pjesëzave mbushëse është zvogëluar gjithnjë e më shumë, nga kompozita hibride, mikrohibride dhe mikrofiller deri te kompozita me përmasa nanometrike në tentativën për të përmirësuar lustrimin fillestar dhe shkëlqimin.
Studime të ndryshme klinike në bibliografi kanë vlerësuar karakteristikat e kompozitave nanombushëse dhe nanohibride duke i krahasuar me ato të kompozitave hibride në restaurimet e sektorëve posteriorë, por kanë prodhuar rezultate të diskutueshme.

Tipologjia e kërkimit dhe modaliteti i analizës
Në një rishikim të fundit sistematik, të publikuar në Journal of Dentistry në gusht 2020, autorët kanë kërkuar që t'i përgjigjen çështjes aktuale në fushën stomatologjike nëse ekzistojnë diferenca që i korrespondojnë ngjyrave dhe strukturës së sipërfaqes së kompozitave nanohibride dhe atyre hibride te pacientët me restaurime direkte te dhëmbët posteriorë.
Për analizën e bias është përdorur risku i bias tool (RoB).
Janë inseruar në meta-analizë të dhënat e marra rreth konsistencës së sipërfaqes dhe korrespondencës së ngjyrës dhe rezultate të tjera sekondare në follow up-e të ndryshme, duke përdorur modelin me efekte të rastësishme.
Heterogjeniteti është vlerësuar me testin Cochran Q dhe për statistikat është përdorur I2. Kërkimi bibliografik është kryer duke përdorur PubMed, Scopus, Web of Science, LILACS, BBO, Cochrane Library e SIGLE, sipas një strategjie kërkimi të paravendosur.

Rezultate
19 studime janë përfshirë në meta-analizën përfundimtare. Për variablat e rezultateve primare dhe sekondare nuk janë gjetur diferenca të rëndësishme ndërmjet restaurimeve të kryera me kompozita nanohibride dhe restaurime të kryera me kompozitat hibride për çdo follow-up të studimit (p >0,08).
Në lidhje me shtresën sipërfaqësore diferencat ndërmjet kompozitës nanohibride dhe hibride varionin nga -1% për 12-18 muaj follow up dhe -2% për follow up nga 36-60 muaj, e raportet e riskut për krahasimin e kompozitave varionin nga -3% në follow up-in nga 12 deri në 18 muaj në 0% për 72 muaj. Asnjë nga krahasimet nuk ka prodhuar diferenca statistikisht të rëndësishme.
Rreth korrespondencës së ngjyrave diferencat e riskut për krahasimin ndërmjet kompozitave varionin nga -2% (follow up për 12-18 muaj) deri në -4% (follow up për 36 muaj). Raportet e riskut ndryshonin nga -7% (follow up nga 12 deri në 18 muaj) deri në -1% (për 72 muaj). Asnjë nga krahasimet nuk ka prodhuar diferenca statistikisht të rëndësishme.

Konkluzione
Nga të dhënat e këtij rishikimi, që duhet të konfirmohen me punime të tjera analoge, mund të dalim në përfundimin që nuk ka diferenca të rëndësishme ndëmjet kompozitave nanohibride dhe atyre hibride rreth parametrave si në vijim:
- korrespondenca e ngjyrës,
- struktura e sipërfaqes,
- ngjyra e sipërfaqes,
- incidenca e frakturave,
- jetëgjatësia kompleksive.

Implikime klinike
Pjesa më e madhe e studimeve të përfshira kanë treguar një shkallë të bias që ka theksuar nevojën për të prodhuar studime të mëtejshme klinike të kontrolluara të randomizuara që janë kryer mirë dhe me cilësi.

Për më shumë informacione:
Maran BM, Larocca de Geus J, Gutiérrez MF, Heintze S, Tardem C, Barceleiro MO, Reis A, Loguercio AD. Nanofilled/nanohybrid and hybrid resin-based composite in patients with direct restorations in posterior teeth: a systematic review and meta-analysis. J Dent 2020 Aug;99:103407.

Përktheu: Valbona Spahia