Strategjia e trajtimit të sinusitit odontogjenik

Në një studim, të botuar në American Journal of Rhinology & Alergy, autorët vlerësuan nëse sinusiti odontogjenik i shkaktuar nga kariesi dhe abscesi periapikal mund të kurohet vetëm me trajtim dentar dhe në cilat situata pacientët duhet të marrin në konsideratë nderhyrjen kirurgjikale

Nga Lara Figini

Jo rrallë herë kariesi dentar dhe absceset periapikale të dhëmbëve maksilarë degjenerojnë në sinusit odontogjen, i cili mund të sjellë dhimbje dhe paaftësi për pacientët, duke u shkaktuar atyre shqetësime për periudha të gjata kohore.

Opsionet e trajtimit për sinusitin odontogjenik (OS) përfshijnë përveç kujdesit dentar edhe menaxhimin mjekësor, administrimin e antibiotikëve dhe përshkrimin e ujitjes ditore të hundës dhe gjithashtu kirurgjinë endoskopike të sinusit (ESS).

Tipologjia e kërkimit dhe modaliteti i analizës

Në një studim, të publikuar në American Journal of Rhinology & Alergy në mars 2021, autorët vlerësuan nëse sinusiti odontogjenik i shkaktuar nga prishja e dhëmbëve dhe abscesit periapikal mund të shërohet vetëm me trajtim dentar dhe në cilat situata pacientët duhet të marrin konsideratë nderhyrjen kirurgjikale.

U regjistruan gjithsej 33 pacientë me OS të shkaktuar nga kariesi dentar dhe abscesi periapikal. Nga studimi u përjashtuan pacientët me OS të shkaktuar nga implantet dentare, traumat, kirurgjia ose nxjerrja e dhëmbëve.

Të gjithë pacientët fillimisht u trajtuan me përkujdesje dentare dhe menaxhim mjekësor pa kirurgji endoskopike të sinusit ESS.

Rezultate

Nga 33 pacientët e regjistruar, 22 (67%) u trajtuan me menaxhim dentar dhe mjekësor dhe 11 (33%) kërkuan kirurgji endoskopike të sinusit ESS pas dështimit të menaxhimit dentar dhe mjekësor.
Bazuar në rezultatet e analizës me shumë ndryshime, pacientët duhanpirës (OSE 33.4) dhe që kishin një rezultat më të lartë Lund-Mackay në CT (OR 2.0) kërkonin ESS pas dështimit të trajtimit dentar dhe mjekësor.

Konkluzione

Nga të dhënat e këtij studimi, të cilat duhet të konfirmohen edhe në studime të tjera të ngjashme, mund të konkludohet se dy të tretat e pacientëve me OS të shkaktuar nga kariesi dentar dhe abscesi periapikal mund të kurohen vetëm me trajtim dentar dhe menaxhim mjekësor pa pasur nevojë për kirurgji endoskopike të sinusit (ESS).

Implikimet klinike

Bazuar në të dhënat e këtij studimi, trajtimi dentar dhe menaxhimi mjekësor rekomandohen si qasja kryesore në OS të shkaktuar nga kariesi dentar dhe abscesi periapikal.
Sidoqoftë, kirurgjia e hershme endoskopike e sinusit (ESS) rekomandohet kur pacientët janë duhanpirës dhe kur gjetjet e CT të sinusit maksilar tregojnë se situata mund te jetë serioze.

Për më shumë informacion:

Byung Joon Yoo, Seon Min Jung, Ha Na Lee, Hyung Gu Kim, Jae Ho Chung, Jin Hyeok Jeong. Treatment strategy for odontogenic sinusitis. Am J Rhinol Allergy 2021 Mar;35(2):206-12.