Zbardhja e dhëmbëve të trajtuar në mënyrë endodontike. Cilat janë procedurat që duhen ndjekur?

Ngjyra e një dhëmbi përcaktohet nga një kombinim i fenomeneve që lidhen me vetitë e tij optike dhe me ndërveprimin e tij me fluksin e dritës, prandaj pothuajse çdo ndryshim në strukturën e smaltit, të dentinës ose të pulpës së dhëmbit mund të sjellë një ndryshim të përqindjes së ngjyrës së elementit të prekur. Çngjyrimet e dhëmbëve ndryshojnë nga eziologjia, pamja, vendosja, ashpërsia dhe sasia, prandaj një diagnozë e saktë e shkaqeve të çngjyrimit të dhëmbit është me rëndësi shumë të madhe për prognozën e trajtimit pasues.

Në këtë rishikim të literaturës përshkruhen agjentët e ndryshëm zbardhues (peroksidi hidrogjenit, karbamid peroksid, perborate natriumi) dhe procedurat e ndryshme klinke për zbardhimin e dhëmbëve të trajtuar në mënyrë endodontike, duke analizuar në mënyrë të detajuar tre teknika: teknikën "zbardhuese në këmbë", atë "termokatalitike" dhe teknikën "në zyrë".
Përsa i përket prognozës së zbardhimit të dhëmbëve jo vital, pavarësisht pranisë së shumë raporteve klinike, në literaturë ende mungojnë studimet dhe provat shkencove në lidhje me këtë argument. Edhe pse duhen marrë gjithmonë në konsideratë komplikacionet e mundshme dhe rreziqet që lidhen me teknika të ndryshme të zbardhimit, të cilat mund të paraqesin një sërë efektesh, ende jo të qarta plotësisht, si sistemike ashtu edhe lokale.

Teknika "zbardhuese në këmbë" përdor një përzierje të perborate natriumi dhe ujë të distiluar, thuhet në një raport të Marsh dhe të botuar nga Salvas. Në këtë teknikë, solucioni zbardhues lihet në "dhomën" e pulpës për disa ditë dhe zgavra ngjitet me cemento provizore. Ky koncept i pozicionimit në "dhomën" e pulpës të perkarborate natriumi dhe ujit të distiluar është sjellë nga Spasser dhe është modifikuar nga Nutting dhe Poe që kanë përdorur peroksid hidrogjeni me 30% në vend të ujit për të rritur efikasitetin zbardhues të përbërjes.

Teknika "termokatalitike" është propozuar për shumë vite si teknika më e mirë për zbardhjen e dhëmbëve jo vital duke pasur parasysh ndërveprimin e lartë të peroksidit të hidrogjenit me nxehtësinë. Në këtë teknikë peroksidi i hidrogjenit me 30-35% vendoset në "dhomën" e pulpës dhe ngrohet me llamba të posaçme ose mjete për ngrohje.

Teknika "në zyrë" është një teknikë që kryhet në zyrën dentare dhe përdor xhelin zbardhues me bazë peroksid hidrogjeni. Xheli mund të aplikohet nëpërmjet maskave zbardhuese ose direkt mbi elementin e izoluar nëpërmjet një ndarëse gome.