Higjiena e duhur orale përmirëson statusin konjitiv te të moshuarit

Higjiena e duhur orale dhe vizitat e rregullta dentare mund të ndihmojnë në ngadalësimin e rënies së aftësisë konjitive si pasojë e plakjes, edhe pse ende nuk ka të dhëna të mjaftueshme për të krijuar një lidhje shkak-pasojë. Këto përfundime, të publikuara në Journal of the American Geriatrics Society, vijnë nga rishikimi i parë sistematik që synon të qartësojë çdo marrëdhënie midis shëndetit oral dhe sferës njohëse, dy fusha të rëndësishme kërkimore që kanë të përbashkëta të moshuarit, një pjesë e popullsisë që vazhdon të rritet dhe që mbi moshën 70 vjeç ndikohet në 36% të rasteve nga ndonjë formë e deficitit konjitiv.

"Dëshmitë klinike sugjerojnë se problemet e shëndetit oral rriten ndjeshëm te të rriturit e moshuar me dëmtim konjitiv, veçanërisht ata me demence", tha autorja kryesore e studimit Bei Wu, duke vënë në dukje se shumë nga faktorët e lidhur me shëndetin e dobët oral përfshirë edhe ushqimin e dobët dhe sëmundjet sistemike si diabeti dhe sëmundjet kardiovaskulare janë gjithashtu të lidhura me funksionin e dobët konjtiv. Për të kërkuar një lidhje midis shëndetit oral dhe statusit konjitiv, Wu dhe kolegët e saj analizuan studimet ndër-seksionale dhe gjatësore të botuara në periudhën 1993-2013.

Disa masa të shëndetit patologjik oral, duke përfshirë numrin e ulët të dhëmbëve, një sasi të madhe të prishjes së dhëmbëve dhe praninë e sëmundjes periodontale, raportohen nga disa të lidhura me një rrezik në rritje të rënies së aftësisë konjitive ose demencës, ndërsa të tjerët nuk kanë qenë në në gjendje të konfirmojë asnjë formë lidhjeje ndërmjet patologjive orale dhe atyre konjitive", shkruajnë studiuesit, duke specifikuar se pavarësisht të dhënave kontradiktore, rezultatet e metaanalizës sugjerojnë një lidhje midis kushteve të këqija periodontale, siç është gengiviti kronik, dhe një përkeqësimi më të madh të aftësisë konjitive. "Për të sqaruar më mirë temën, ne kemi nevojë për studime të kryera në seri më të mëdha rastesh duke përdorur matje të standardizuara të statusit konjitiv dhe shëndetit oral", përfundon Wu.