Edentulizmi rrit rrezikun për dëmtim konjitiv dhe demencë

Një studimi i botuar në "JAMDA", ka arritur në përfundimin se humbja e dhëmbëve shton rrezikun për dëmtim konjitiv dhe demencë. Sipas autorëve, pas humbjes së çdo dhëmbi rritet rreziku për dëmtim konjitiv, por jo te të moshuarit që përdorin proteza, duke sugjeruar se trajtimi në kohë i edentulizmit mund të mbrojë sferën konjitive.

"Duke pasur parasysh numrin e madh të njerëzve të diagnostikuar me demencë dhe potencialin për të përmirësuar shëndetin oral gjatë gjithë jetës, është e rëndësishme të kuptojmë pse ekziston një lidhje e mundshme midis shëndetit të dobët oral dhe rënies konjitive", thotë koordinatori i studimit Bei Wu nga Kolegji i Infermierisë NYU Rory Meyers, i cili bashkë me kolegët kryen një metaanalizë duke përdorur 14 studime gjatësore të humbjes së dhëmbëve dhe dëmtimit konjitiv që përfshinin gjithsej 34,074 të rritur të përfshirë dhe 4,689 raste të funksionit konjitiv të dëmtuar.

Analiza zbuloi se të rriturit edentulë në krahasim me të rriturit jo edentulë kishin përkatësisht 48% dhe 28% më shumë mundësi për të zhvilluar dëmtime konjitive ose për të marrë një diagnozë të demencës.

Megjithatë, të rriturit edentulë dhe pa proteza kishin një rrezik më të lartë për dëmtim konjitiv (23.8%) sesa ata me proteza (16.9%), edhe pse një nënanalizë e mëtejshme zbuloi se lidhja midis humbjes së dhëmbëve dhe dëmtimit konjitiv nuk ishte e rëndësishme kur pacienti kishte protezë.

Studiuesit përdorën gjithashtu një nëngrup prej tetë studimesh për të përcaktuar nëse ekzistonte një lidhje "dozë-përgjigje" midis humbjes së dhëmbëve dhe dëmtimit konjtiv: me fjalë të tjera, nëse ezkistonte një lidhje mes humbjes së dhëmbëve rritjes së rrezikut të rënies së aftësisë konjitive.

Rezultatet e këtij studimi konfirmojnë se çdo dhëmb që mungon rrit probabilitetit për dëmtim konjitiv ose demencës respektivisht 1.4% dhe 1.1%.

"Kjo marrëdhënie dozë-përgjigje midis numrit të dhëmbëve që mungojnë dhe rrezikut të funksionit konjitiv të dëmtuar forcon lidhjen midis edentulizmit dhe dëmtimit konjitiv, duke theksuar edhe një herë rëndësinë e shëndetit të mirë oral dhe rolin e tij në ruajtjen këtij funksioni", përfundojnë autorët.