Pulpotomia në trajtimin e traumave dentare komplekse

Terapia e pulpës vitale (VPT) është një trajtim konservativ i lezioneve pulpare reversibël që ka si qëllim të promovojë shërimin e indit pulpar duke stimuluar formimin e indit të fortë për të ruajtur vitalitetin e pulpës. Kjo teknikë minimalisht invazive përfshin qoftë pulpotomitë parciale qoftë ato totale.

Tradicionalisht, materiali i zgjedhur ka qenë gjithmonë hidroksidi i kalciumit (CH) por që vitet e fundit i është bashkuar edhe MTA që ka një përshtatshmëri marginale superiore, redukton inflamacionin e pulpës dhe indukton ura dentinale më të shpeshta dhe me porozitet më të vogël.

Ndërmjet disavantazheve të MTA-së, renditen edhe kohët e gjata të marrjes fillestare, manipulimi kompleks dhe potenciali i madh i çngjyrosjes dentare me një tejdukshmëri të paleverdisshme estetike veçanërisht te dhëmbët anteriorë.

Pra, kërkimi ka futur produkte alternative me qëllim përmirësues me bazë të silikatit të kalciumit (CSC) si biodentina (BD), një material biokompaktibël dhe bioaktiv që promovon shërimin e pulpës nëse aplikohet direkt në kontakt me indin pulpar. Aplikimet klinike të saj janë të shumta në endodonti, dentistrinë restorative, dentistrinë pediatrike dhe traumatologji.

Tipologjia e kërkimit dhe modaliteti i analizës

Në një kërkim të fundit të publikuar në "Journal of Endodontics", autorët kanë vlerësuar rezultatet klinike dhe radiografike të pulpotomive të kryera me biodentinë (BD) te dhëmbët permanentë anteriorë me ekspozime traumatike të komplikuara të pulpës.

Studimi perspektiv është kryer në 2 spitale pediatrike në repartet e stomatologjisë në Montreal, Quebec, Kanada.

Kriteret e përfshirjes ishin:
- fëmijë me dhëmbë permanentë që paraqisnin një frakturë të komplikuar të kurorës;
- një dhëmb i restauruar pa shenja klinike dhe radiografike të nekrozës së pulpës ose sëmundjes periodontale.

Ndërsa nga studimi u përjashtuan:
- pacientët me shëndet të përgjithshëm të dëmtuar;
- pacientët që nuk bashkëpunojnë;
- pacientët me histori të traumës së dhëmbit të prekur më parë;
- dhëmbët me avulsion bashkëshoqërues;
- dhëmbët me lezion apikal;
- dhëmbët me rezorbim radikolar të brendshëm dhe/ose të jashtëm të dukshëm në ekzaminimin radiografik;
- dhëmbët me gjakrrjedhje të pakontrolluar gjatë trajtimit të pulpotomisë.

Dhëmbët e trajtuar u vlerësuan klinikisht dhe në mënyrë radiografike pas 1 jave dhe pas 1, 3, 6, 12, 18 dhe 24 muajsh pas trajtimit.

Rezultatet

45 pacientë 8-16 vjeç, u përfshinë në këtë studim. 51 dhëmbë u trajtuan me një pulpotomi me biodentinë (BD). Studimi tregoi një normë mbijetese me 100% dhe një normë suksesi me 91%. U verifikuan katër dështime me follow up me 1, 6 dhe 15 muaj ku dhëmbët janë trajtuar më pas me një terapi kanalare konvencionale ose me një procedurë endodontike rigjeneruese. Ndjeshmëria e dhëmbit ndaj të ftohtit e sinjalizuar nga pacientët është reduktuar në kohë.

Shumë dhëmbë janë përgjigjur normalisht ndaj testimeve të vitalitetit të pulpës gjatë dekursit të këtij studimi.

Një çngjyrosje e lehtë u vu re në 8 dhëmbë (17%).

Rezultatet radiografike kanë treguar formime të urave dentinale në 91% të rasteve dhe të gjithë dhëmbët imaturë kanë treguar një formimim të vazhdueshëm të rrënjëve.

Konkluzionet

Nga të dhënat e këtij studimi, që duhet të konfirmohen me punime të tjera analoge, mund të dalim në përfudnimin se pulpotomitë e kryera me biodentinë (BD) te dhëmbët me frakturë komplekse të kurorës tregojnë një normë suksesi të përgjithshme të lartë.

Ky material mund të konsiderohet një alternativë e mirë e MTA dhe hidroksidit të kalciumit (CH), nuk çon në çngjyrosje dhe lejon maturimin dhe plotësimin radikolar.

Implikimet klinike

Studime të mëtejshme, me kampione me përmasa më të mëdha dhe me periudha të follow up -it më të gjata, janë të nevojshme për vlerësimin e suksesit afatgjatë të këtij lloj trajtimi te dhëmbët me fraktura të komplikuara të kurorës.

Për më shumë informacion:

Haikal L, Ferraz Dos Santos B, Vu D-D, Braniste M, Basma Dabbagh B. Biodentine pulpotomies on permanent traumatized teeth with complicated crown fractures.