Marrëdhëniet dhe ndikimi pozitiv në shëndetin oral

Shën Valentini mund të prekë edhe shëndetin oral dhe ndoshta mund t’i nxisë të dashuruarit të kujdesen për të? Kështu duket, të paktën sipas asaj...

Me rastin e Shën Valentinit, Straumann Group dhe dr. Torsello kanë hetuar mbi marrëdhëniet dhe shëndetin oral, duke ofruar këshillat që mund t'iu jepni pacientëve

Shën Valentini mund të prekë edhe shëndetin oral dhe ndoshta mund t'i nxisë të dashuruarit të kujdesen për të? Kështu duket, të paktën sipas asaj që Straumann Group zbuloi me rastin e Shën Valentinit, i cili, përmes një studimi të komisionuar, zbuloi se 61% e italianëve duan të kujdesen më mirë për gojën e tyre. Së bashku me dr. Ferruccio Torsello, specialist në ortodonci, ekspert në aparatet dentare transparente dhe folës në kurse dhe konferenca kombëtare dhe ndërkombëtare, ata kanë krijuar një udhëzues me informacionet kryesore që duhet të dini dhe që mund të jenë të dobishme për pacientët tuaj.

1. M'do apo s'm'do: ndikimi te dhëmbët. Dashuria është një burim i fuqishëm frymëzimi, që i shtyn individët të përmirësohen, edhe kur bëhet fjalë për buzëqeshjen.
Në një marrëdhënie, buzëqeshja (impakti ynë i parë) bëhet edhe më e rëndësishme dhe për disa është një stimul për ta bërë atë më të shëndetshme dhe më tërheqëse. Ka shumë pacientë që shkojnë te dentisti për raste të veçanta. Në fakt, janë shtuar trajtimet estetike dhe të mirëqenies, të tilla si trajtimet profesionale të higjienës orale (76%, vitin e fundit) dhe zbardhja e dhëmbëve (me numër kërkesash të dyfishuar në krahasim me vitin 2019). Madje edhe ndërhyrjet estetike si fillerat e buzëve janë në rritje; të gjitha këto trajtime janë mjaft të njohura, pasi janë minimalisht invazive dhe kanë rezultate të shpejta", zbulojnë ekspertët. Përveç këtyre, kërkesat më të shpeshta janë për aparate dentare transparente, mjete shumë efikase për drejtimin e dhëmbëve.

Por, edhe një thyerje mund të bëhet shkak për ndryshim. Pasi ndahen, shumë individë kërkojnë të rikthehen në formë të shkëlqyer dhe buzëqeshja është shpesh në qendër të kësaj dëshire për ndryshim. "Trajtimet më të kërkuara në këto raste janë ato ortodontike, ose ato estetike restauruese, si fasetat prej porcelani, apo trajtimet shumëdisiplinore, që parashikojnë kombinimin e të dyja qasjeve me rezultate të larta", konfirmojnë ekspertët.

2. Çfarë mund "të shkatërrojë" një puthje
Rruga drejt një buzëqeshjeje të kënaqshme është ende e gjatë: gjithmonë sipas kërkimit të kryer, 61% e italianëve buzëqeshin me gojën e mbyllur, simptomë kjo e pasigurisë dhe e parehatisë në të shfaqurit e dhëmbëve, ndërsa vetëm 39% buzëqeshin me gojën hapur. Kjo ndjesi mund t'i bëjë momentet romantike më pak të këndshme dhe mund të vijë si pasojë e disa patologjive dentare, për të cilat duhet treguar kujdes:
• Kariesi: prek 63% të popullsisë dhe mund të përbëjë një shkatërrim gradual të indeve dentare. Fillimisht është asimptomatik dhe më pas mund të shkaktojë dhimbje të forta dhe ndryshim të ngjyrës së dhëmbëve.
• Sëmundja periodontale, prek rreth 50% të të rriturve italianë dhe sinjalizon simptomat e një tabloje të mundshme periodontale, si: tërheqje e gingivave, infeksion dhe, në raste të përparuara, lëvizje dhe heqje të dhëmbëve.
• Edentulizmi ose mungesa e një ose më shumë dhëmbëve, që prek 53% të italianëve dhe vjen shpesh si pasojë e patologjive të tjera, mund të shkaktojë një gjendje vështirësie në përtypje, një buzëqeshje jo estetike dhe vetëvlerësim të ulët.
• Malokluzionet, të quajtura ndryshe si "dhëmbët e shtrembër": një gjendje e shtrembërimit të dhëmbëve, e cila mund ta bëjë buzëqeshjen më pak tërheqëse, si dhe shkakton probleme të ndryshme në shëndet, duke filluar që nga frymëmarrja e gabuar dhe tretja. Fatmirësisht, ditët e sotme është bërë e mundur ta korrigjosh edhe falë aparateve dentare transparente, pajisjeve minimalisht invazive, transparente, të rehatshme dhe të lehta për t'i mbajtur pastër.

Thuajuni po ushqimeve të tilla si:
• Fibrat dhe produktet e qumështit, që përmbajnë kazeinë, e cila forcon smaltin;
• Frutat dhe perimet, duke qenë të pasur me fibra, nxisin prodhimin e pështymës dhe zhvillojnë një veprim natyral pastrimi të dhëmbëve. Gjithashtu, janë të pasura me vitamina: p.sh. kivit, që përmbajnë vitaminë C dhe mund të parandalojnë inflamacionin në gingiva;
• Kakaoja dhe çokollata e zezë, nuk janë aq të dëmshme sa mendohet, por nuk duhet të tejkalohet konsumi. Në fakt, përmbajnë substanca antibakteriale natyrale, ndërsa ai që është i dëmshëm, është sheqeri, që në çokollatën e zezë gjendet në sasi të kufizuar.

Më tepër duhet treguar kujdes me mostejkalimin e konsumit të:
• Sheqernave dhe ëmbëlsirave, të cilat përthithen nga bakteret, duke prodhuar acide që shkatërrojnë smaltin.
• Lëngjeve të frutave, të pasura me sheqerna që ngelen mes dhëmbëve. Goja duhet të shpëlahet gjithmonë pas konsumimit të tyre.
• Pijeve alkoolike, kur bllokojnë sekretimin e pështymës (e cila ndihmon në shëndetin e dhëmbëve tanë).