Metodat e rindërtimit të papilës interdentare

Papila interdentare është një pjesë anatomike e rëndësishme e gingivave dhe mbush hapësirat ndërmjet pikave të kontaktit të dhëmbëve ngjitur me...

Papila interdentare është një pjesë anatomike e rëndësishme e gingivave dhe mbush hapësirat ndërmjet pikave të kontaktit të dhëmbëve ngjitur me njëri-tjetrin. Ajo mbështetet nga kocka alveolare nën të dhe nga cepat e dhëmbëve në anë.

Papila interdentare përbëhet nga mukoza dhe nga një ind lidhor i dendur, i mbuluar nga epiteli oral. Forma e saj ndikohet nga pikat e kontaktit ndërmjet dhëmbëve ngjitur me njëri-tjetrin, nga gjerësia e sipërfaqeve dentare ndërproksimale dhe nga përparimi i bashkimit smalt-cement (CEJ).
Për arsye të ndryshme, patologjike ose jo, papila interdentare mund të reduktohet në lartësi, ose, në rastet më të rënda, mund të largohet dhe kjo përkthehet në një hapësirë si çarje, i njohur gjerësisht edhe si "trekëndëshi i zi".

Trekëndëshat e zinj mund të jenë jashtëzakonisht jo estetikë dhe shpesh janë shkaku i zhgënjimit të pacientëve.

Tipologjia e kërkimit dhe metoda e analizës
Në një analizë sistematike, të publikuar në Clinical Oral Investigations, autorët vlerësuan mundësitë terapeutike për rindërtimin e papilës dentare të larguar dhe analizuan evidencat e efikasitetit të tyre.

Autorët kryen një kërkim elektronik dhe një tjetër manual, me qëllim identifikimin e të gjitha llojeve të studimeve që kishin analizuar rindërtimin e papilës interdentare (me përjashtim të analizave) me një kontroll ecurie minimal prej 3 muajsh.

Rezultatet
Në analizën finale u përfshinë 45 studime, 7 prej të cilave ishin të randomizuara, 2 ishin grupi, 19 ishin seri rastesh dhe 17 ishin raportime rastesh.

Pesëmbëdhjetë studime përfshinin të dhëna mbi trajtimin me acid hialuronik (duke përfshirë 2 studime të randomizuara dhe të kontrolluara), 6 studime përfshinin të dhëna mbi trajtimin me fibrinë të pasur me trombocite, 16 studime përfshinë të dhëna mbi trajtimin me grafte të indeve të buta, 4 studime përfshinë të dhëna mbi trajtimin ortodontik dhe 4 mbi trajtimin me alternativa të tjera metodash.

Matjet më të zakonshme të rezultateve ishin përmasat e trekëndëshit të zi dhe përqindjen e rimbushjes papilare. Nuk ishte e mundur të kryhej metaanaliza për shkak të heterogjenitetit të lartë të studimeve.

Trajtimi me acid hialuronik (HA)
Protokollet në disa studime të përfshira në këtë analizë ndryshonin në bazë të metodave përmes të cilave përdorej HA, por në pjesën më të madhe të rasteve kryhej anestezia lokale dhe zakonisht injektohej xhel me përmbajtje HA 2.3 mm apikale ndaj papilës së munguar. Ky injeksion përsëritej vetëm në 3 intervale javore. Katër studime e kishin përsëritur ndërhyrjen në 3 javë dhe 6 javë. Të gjitha studime shfaqën përmirësim të rimbushjes papilare gjatë kontrolleve të ecurisë, që zgjatën 3-6 muaj me një studim që ofroi rezultate deri në 2 vjet.

Trajtimi me fibrinë me përmbajtje trombocitesh (PRF)
Gjashtë nga artikujt e përfshirë në analizë ofruan të dhëna mbi përdorimin e fibrinës me përmbajtje trombocitesh, si trajtimi i rindërtimit të papilës interdenatre. Këto studime përfshinin 2 studime klinike të randomizuara të kontrolluara, 1 seri rastesh dhe 3 raste klinike. Nëse kombinoheshin me ndërhyrjes kirurgjikale, dy studimet e randomizuara dhe të kontrolluara demonstruan se PRF jep më pak rezultat sesa përdorimi i kombinimit me teknika kirurgjikale rikonstruktive gjatë kontrolleve të ecurisë që zgjatën 3-6 muaj. Megjithatë, trajtimi me PRF lidhej me një sëmundshmëri më të vogël të pacientit dhe me kënaqësi më të madhe.

Trajtimi me grafte të indeve të buta
Pesëmbëdhjet studime të përfshira në analizë ofruan të dhëna mbi procedurat e graftit kirurgjikal, ndër të cilat, 1 studim i randomizuar dhe i kontrolluar. 7 seri rastesh dhe 8 raportime rastesh. Procedurat kirurgjikale të ndjekura ishin teknika Beagle, tunelimi interproksimal, flap i avanzuar nga ana koronare dhe përdorimi i indit lidhor nënepitelial, si dhe grafti gingivar i lirë.

Përfundimet
Nga të dhënat e kësaj analize, arrihet në përfundimin se ekzistojnë mundësi të ndryshme për rindërtimin e papilës interdentare, si injeksionet e acidit hialuronik, përdorimi i PRF, ekzekutimi i grafteve kirurgjikale dhe trajtimi ortodontik. Këto trajtime duket se përmirësojnë rezultatet në minimalisht 3 muaj.

Kryerja e graftit të indeve të buta me graftin e indit lidhor nënepitelial duket se përbën evidencën më të qëndrueshme në reduktimin afatgjatë të "trekëndëshave të zinj".

Nuk ka evidenca të mjaftueshme për formulimin e rekomandimeve specifike.

Ndërlikimet klinike
Pacientët ankohen shpesh nga shfaqja e trekëndëshave të zinj dhe nga mundësitë jo shumë të qarta të menaxhimit.

Kjo analizë sistematike ofron informacione mbi mundësitë e disponueshme të rindërtimit.