A ndikon trajtimi ortodontik në prognozën e dhëmbëve të devitalizuar?

Përmirësimet në gjendjet ekonomike kanë sjellë edhe rritje të kërkesave për trajtime ortodontike edhe nga të rriturit, me qëllim...

Përmirësimet në gjendjet ekonomike kanë sjellë edhe rritje të kërkesave për trajtime ortodontike edhe nga të rriturit, me qëllim përmirësimin e estetikës.

Lëvizja ortodontike e dhëmbëve të trajtuar endodontikisht te të rriturit, po bëhet gjithnjë e më e përhapur dhe megjithëse këta dhëmbë mund të zhvendosen ortodontikisht si ata jo të devitalizuar, ka akoma shumë paqartësi në lidhjen ndërmjet ortodoncisë dhe trajtimit kanalar (RCT) gjatë fazës së planifikimit të trajtimit.

Studimet janë përqendruar në probabilitetin e konstatimit të një lloj resorbimi të rrënjëve të dhëmbëve RCT gjatë lëvizjes ortodontike.

Megjithatë, shumë pak studime histologjike dhe klinike i kanë vlerësuar efektet e trajtimit ortodontik në prognozën e dhëmbëve RCT me periodontit apikal (AP).

Në një studim autorët kanë vlerësuar efektin e lëvizjes ortodontike në prognozën e dhëmbëve të treajtuar endodontikisht RCT duke përdorur tomografinë e kompjuterizuar me fashë konike (CBCT) dhe kanë analizuar më tej ndikimin e lëvizjes ortodontike në prognozën e dhëmbëve RCT me dhe pa periodontit apikal (AP).

Ky studim retrospektiv u krye duke vlerësuar 169 dhëmbë RCT të 100 pacientëve që iu nënshtruan trajtimit ortodontik fiks. AP u vlerësua dhe klasifikua duke përdorur indeksin periapikal CBCT. Analiza me një ndryshore e rezultateve të RCT u krye për grupin RCT pa AP, por jo për grupin RCT me AP. U përfshinë ndryshore të lidhura me prognozën e RCT, si mosha, gjinia, pozicioni i dhëmbëve, cilësia e restaurimit koronar, gjendja periodontale, distanca e tërheqjes ortodontike dhe këndi i rrotullimit ortodontik.

Rezultatet
Distanca e tërheqjes ortodontike dhe këndi i rrotullimit nuk rezultuan se lidheshin në mënyrë të konsiderueshme me rezultatet e RCT, pavarësisht nga prania e AP. Pra, arrihet në përfundimin e lëvizja ortodontike nuk ndikon aspak në prognozën e dhëmbëve të trajtuar endodontikisht, pavarësisht nëse ka prani të periodontitit apikal, ose jo.