Dhëmbët e ndjeshëm dhe erozioni dentar. Gjatë verës shtohen problemet

Akulloret, pijet e ftohta me sheqer e të gazuara janë mjete për t’i mbijetuar vapës së verës, por krijojnë probleme të mëdha për dhëmbët dhe gingivat. Me...

Akulloret, pijet e ftohta me sheqer e të gazuara janë mjete për t'i mbijetuar vapës së verës, por krijojnë probleme të mëdha për dhëmbët dhe gingivat. Me këtë rast, Shoqata Amerikane e Stomatologjisë (ADA), ka publikuar disa këshilla se si të shmangim përkeqësimin e pushimeve dhe të një situate klinike akoma më të ndërlikuar. Përsa i përket erozionit dentar, ADA rikujton se ushqimet dhe pijet me përmbajtje të madhe acide, konsumojnë smaltin që mbron dhëmbët, duke u hapur rrugën baktereve që mund të shkaktojnë karies dhe infeksione.

Shoqata demonstron ushqimet dhe pijet që duhen konsumuar me kujdes.
Agrumet ose pijet e aromatizuara me agrume, të gazuara ose acide duhet shmangur ose duhen kufizuar në konsum. Ushqimet me vlera ushqyese dhe acide, si domatet dhe agrumet, mund të kenë disa efekte acide në smaltin e dhëmbëve. Pra, e mira është të konsumohen si pjesë e një vakti dhe jo veçmas.

Frutat e thata, si rrushi i thatë, mund të shkaktojnë probleme pasi janë ngjitëse dhe ngelen nëpër dhëmbë, kështu acidet e prodhuara nga bakteret që shkaktojnë karies vazhdojnë të dëmtojnë dhëmbët për një kohë të gjatë pasi kemi mbaruar së ngrëni.

Por, ADA i referohet atyre që konsiderohen shkaktarë kryesorë të erozionit: pijet joalkooklike, soda dhe pijet sportive. Theksohet se edhe nëse nuk përmbajnë sheqer, me shumë gjasa janë acide falë karbionizimit që e bën pijen të shijshme, pasi është me gaz, por të dëmshme.

Më pas vijnë ëmbëlsirat dhe karamelet, që përveç sheqerit, përmbajnë substanca aromatike acide.

Pacientët që vuajnë nga dhëmbët e ndjeshëm, gjatë verës duhet të luftojnë dëshirën për akullore, granita dhe pije të freskëta dhe ADA thekson se dhëmbët e ndjeshëm mund të trajtohen jo vetëm nga dentisti dhe higjenisti dentar, por edhe në shtëpi me veprimet e duhura parandaluese.

Lloji i trajtimit do të varet nga faktori që shkakton ndjeshmërinë e dhëmbëve. Ja disa sugjerime, si në shtëpi ashtu edhe më invazive, megjithëse duhet të kontaktoni dentistin tuaj për një recetë më të personalizuar:

• Përdorni furça të studiuara për dhëmbë të ndjeshëm.
• Xhel me përmbajtje fluori
• Rindërtojeni dhëmbin me kurorë ose mbushje.
• Veshje gingivare
• Devitalizim