Krioterapia dhe dhimbja postoperatore

Në endodonci, irriguesi që përdoret më shpesh për dezinfektimin kanalar është hipokloriti i natriumit (NaOCl) dhe efikasiteti i këtij të fundit varet nga koha e kontaktit me nënshtresën, nga lloji i...

Në endodonci, irriguesi që përdoret më shpesh për dezinfektimin kanalar është hipokloriti i natriumit (NaOCl) dhe efikasiteti i këtij të fundit varet nga koha e kontaktit me nënshtresën, nga lloji i aktivizimit dhe nga përqendrimi i tij.

Ngrohja e NaOCl përmirëson shpejtësinë e reaksionit, tretjen e indeve dhe kapacitetin baktericid, si dhe fuqizon aftësinë penetruese në tubulat dentinale. Gjithashtu, hipokloriti i përforcon veçoritë e tij antibakteriale nëse aktivizohet me ultratinguj.

Nga ana tjetër, krioterapia pengon metabolizmin e indeve dhe qarkullimin e gjakut në to, duke prodhuar vazokonstriksion.

Trajtimi lokal ftohës mund të reduktojë reagimet inflamatore, prodhimin e substancave që nxisin dhimbjen dhe ënjtjen në nivel lokal. Studime të literaturës kanë demonstruar edhe se krimoterapia mund të ngadalësojë përcjelljen nervore periferike, duke nxitur çlirimin e endorfinave që reduktojnë transmetimin nociceptiv.
Kjo përkthehet në një efekt të ngjashëm me atë të një anestezie lokale, duke vonuar shpejtësinë e sinjaleve të dhimbjes.

Tipologjia e kërkimit dhe metoda e analizës
Në një studim, autorët vlerësuan efektin e irriguesit kanalar më të përdorur në endodonci, hipokloritit të natriumit (NaOCl), në formë të krioaktivizuar dhe të ngrohur, gjatë dhimbjes postoperatore te pacientët me pulpit të pakthyeshëm simptomatik dhe periodontit apikal simptomatik.

Përgatitja e kavitetit të qasjes, instrumentimi kanalar dhe irrigimi kanalar u kryen në përputhje me një protokoll standard të paracaktuar. Në bazë të temperaturës përfundimtare të irriguesit, dhëmbët u ndanë në mënyrë rastësore në një prej tre grupeve të mëposhtme, secili i përbërë nga 22 dhëmbë"

• Grupi 1 ose grupi i kontrollit, në të cilin irrigimi u krye me NaOCl 3% në 25°C (temperaturë ambienti);
• Grupi 2, në të cilin irrigimi u krye me NaOCl të ftohtë krioaktive në 2°C;
• Grupi 3, në të cilin irrigimi u krye me NaOCl të ngrohur në 60°C.

Trajtimet kanalare u përfunduan gjatë një vizite të vetme. Vlerësimi i dhimbjes pre dhe post operatore pas 6, 24, 48 dhe 72 orëve u krye duke përdorur shkallën e dhimbjes analoge vizuale Heft Parker (HP-VAS), si dhe u përcaktua konsumi i analgjezikëve.

Rezultatet
Grupi me NaOCl të ftohtë shfaqi pikët HP-VAS më të ulëta, për të gjitha intervalet e kontrolleve të ecurisë të marra në konsideratë, krahasuar me dy grupet e tjera. Në grupe u konstatua një ndryshim jashtëzakonisht i madh në pikët e dhimbjes post operatore pas 6 dhe 72 orëve (p ˂0.05). Asnjë nga individët nuk ka pasur shqetësime post operatore pas 72 orësh në grupin e kontrollit dhe në grupin me NaOCl të ftohtë.