Pastrimi i protezave të lëvizshme: me ultratinguj, apo me metodat tradicionale?

Në disa studime literature ka rezultuar se higjiena e dobët e protezave dentare të lëvizshme lidhet me shtimin e stomatitit nga protezat, rrezikut për karies dhe për...

Në disa studime literature ka rezultuar se higjiena e dobët e protezave dentare të lëvizshme lidhet me shtimin e stomatitit nga protezat, rrezikut për karies dhe për patologji periodontale të dhëmbëve të mbetur.

Mikroorganizmat patogjene që krijohen nga biofilmat e protezave të lëvizshme mund të jenë përgjegjëse për shumë sëmundje sistemike, përfshirë edhe ato kardiovaskulare, infeksionet gastrointestinale dhe respiratore. Prandaj, nevojiten strategji efikase për ruajtjen e një higjiene optimale të protezave të lëvizshme dhe të gojës.

Tradicionalisht, kombinimi i fërkimit mekanik dhe dezinfektimit përmes preparateve kimike, si kloreksidina, hipokloriti i natriumit, larësit e protezave me përmbajtje peroksidi alkalin, me solucion jodofor, vaj Ricinus communis ose preparate të tjera kimike për proteza, kanë rezultuar efektive në reduktimin e numrit të biofilmave dhe mikrobeve.

Një alternativë tjetër, përveç fërkimit mekanik konvencional, është përdorimi i ultratingujve me një pastrues kimik, një procedurë më e thjeshtë që është më pak invazive dhe kursen kohën e pacientëve.

Deri më tani, metoda e pastrimit të protezave me anë të ultratingujve ka mbetur e kufizuar në mjediset klinike, por së fundmi zbulimi i një pastruesi portativ me ultratinguj për protezat dentare, e bën këtë proces të realizueshëm edhe nga shtëpia, si dhe është relativisht ekonomik.

Protezat e lëvizshme mund të përmbajnë patogjenë oportunistë, duke theksuar kështu nevojën për zgjidhje efektive të pastrimit të protezave.

Përdorimi i një pastruesi me ultratinguj i kombinuar me zhytjen në solucione për pastrimin e protezave gjatë kujdesit të përditshëm në shtëpi, mund të ndihmojë në eliminimin më optimal të biofilmit nga protezat e të moshuarve.