Stomatologjia miqësore ndaj ambientit. Ja, 5 praktika për një klinikë ekologjikisht të qëndrueshme

Stomatologjia e qëndrueshme, ose miqësore ndaj ambientit është një fushë në evoluim, e cila synon të fusë praktika që respektojnë ambientin në trajtimet dentare. Federata Evropiane...

Stomatologjia e qëndrueshme, ose miqësore ndaj ambientit është një fushë në evoluim, e cila synon të fusë praktika që respektojnë ambientin në trajtimet dentare. Federata Evropiane e Periodontologjisë (EFP), prej kohësh është e para në ndërgjegjësimin e profesionistëve përsa i përket të pasurit e një qasjeje më të qëndrueshme ndaj profesionit, duke theksuar rëndësinë e qëndrueshmërisë në periodontologji.

Ndryshimet klimatike janë një problem i rëndësishëm botëror, që prek të gjithë sektorët, të tillë si asistenca shëndetësore dhe stomatologjia. Rritja e temperaturave në botë, rritja e shpeshtësisë së ngjarjeve meteorologjike ekstreme dhe ndryshimi i modeleve të precipitimit sjellin vështirësi të mëdha për shëndetin publik dhe mjedisin, prandaj stomatologu mund të kontribuojë në përmirësimin e situatës.

Për EFP, është thelbësore që studimi dentar, me qëllim kontribuimin në reduktimin e ndikimit mjedisor, të zbatojë procedura të qëndrueshme në të gjitha praktikat dentare, duke u përqendruar në efektshmërinë energjitike, në ruajtjen e ujit, në menaxhimin e mbetjeve, në produktet miqësore ndaj ambientit dhe në veprimet e qëndrueshme. Praktikat dentare mund ta reduktojnë ndjeshëm ndikimin e tyre në mjedis.

Praktikat kryesore të qëndrueshme që duhet të merren në konsideratë dhe udhëzohen nga EFP, janë si vijon:
1. Efektshmëria energjitike: përdorimi i sistemeve të ndriçimit, ngrohjes dhe ftohjes me efikasitet të lartë energjitik, mund t'i reduktojë ndjeshëm çlirimet e CO2 në klinikat dentare. Përdorimi i burimeve të ripërtëritshme të energjisë, si panelet diellore, e përmirëson ndjeshëm qëndrueshmërinë.
2. Ruajtja e ujit: përdorimi i pajisjeve të kursimit hidrik, si rubinetet me presion të ulët dhe sistemet e aspirimit pa ujë, mund ta reduktojnë jashtëzakonisht konsumin e ujit. Këto sisteme, jo vetëm ruajnë ujin, por reduktojnë edhe kostot e përdorimit.
3. Menaxhimi i mbetjeve: Asgjësimi dhe riciklimi i duhur i materialeve dentare është thelbësor. Klinikat dhe studiot dentare mund ta reduktojnë plastikën njëpërdorimshe duke zgjedhur alternativa të ripërdorshme dhe të biodegradueshme. Për shembull, pipat thithëse prej çeliku të pandryshkshëm dhe qeset e ripërdorshme të sterilizimit, mund të zëvendësojnë ato njëpërdorimshe.
4. Produktet ekologjike: është shumë e rëndësishme të zgjidhni materiale dentare dhe produkte jo toksike dhe që janë miqësore ndaj ambientit. Kjo mund të përfshijë përdorimin e fillit dentar të biodegradueshëm, furçat e dhëmbëve prej bambuje dhe paketimet ekologjike të pajisjeve dentare.
5. Veprimet e qëndrueshme: përdorimi i regjistrave digjitalë për reduktimin e letrës, përdorimi i shërbimeve të telemjekësisë, me qëllim reduktimin maksimal të çlirimit të gazrave gjatë udhëtimit, si dhe nxitja e udhëtimeve të qëndrueshme për personelin dhe pacientët, janë të gjitha strategji efikase.