A mund t'i luftojnë agrumet sëmundjet periodontale?

Dihet tashmë që sëmundja periodontale është një sëmundje inflamatore e shkaktuar nga një infeksion patogjen bakterial parodontal që ndikon në shëndetin oral dhe atë të...

Dihet tashmë që sëmundja periodontale është një sëmundje inflamatore e shkaktuar nga një infeksion patogjen bakterial parodontal që ndikon në shëndetin oral dhe atë të brendshëm. Higjiena e mirë orale është thelbësore për parandalimin, por pjesa më e madhe e produkteve pa recetë për higjienën janë dezinfektues që mund të rezultojnë irritues. Ky fakt i bën të papërshtatshëm për t'u përdorur nga fëmijët e vegjël dhe të moshuarit, të cilët janë mjaft të ndjeshëm ndaj sëmundjeve periodontale.

Për gjetjen e një antibakteriali të lehtë për t'u përdorur dhe efikas në parandalimin e sëmundjeve periodontale është ngritur një grup studimi për vëretimin e efektit antibakterial të shtatë përbërjeve të ndryshme. Prunina laurato (Pru-C12) dhe analogët e tij u testuan kundër bakterit periodontal patogjen, Porphyromonas gingivalis.

Kjo përbërje e përftuar nga substanca natyrale ka shfaqur një aktivitet të rëndësishëm antimikrobik, duke treguar potencialin saj si trajtim për sëmundjet periodontale, veçanërisht për veprimin kundër baktereve të dëmshme në kavitetin oral. Rezultatet kanë treguar se, edhe pse shumë përbërje kanë frenuar rritjen bakteriale, Pru-C12, që mund të përftohet nga biomasa, si bimët e agrumeve dhe përbërësit e marrë nga arrat e kokosit, shfaqi efekt antimikrobik më të lartë. Tre nga inhibitorët më të fuqishëm kanë frenuar edhe formimin e biofilmit. Gjithashtu, Pru-C12 ka frenuar resorbimin osteo-alveolar në një model eskperimental periodontiti miu për infeksionin P. gingivalis.

Studiuesit theksuan se këto rezultate mund të jenë të dobishme në zhvillimin e produkteve për higjienën orale, me qëllim parandalimin dhe kontrollin e sëmundjes periodontale dhe të çrregullimeve të lidhura me to.