Cilësia e dobët e kockës: ç'implante dhe strategji duhen përdorur?

Sot implantet janë të njohura nga komuniteti ndërkombëtar si një ndihmë e madhe funksionale dhe estetike për riabilitimin e një ose më shumë dhëmbëve me përdorimin e protezave fikse ose të lëvizshme

Lara Figini

Sot implantet janë të njohura nga komuniteti ndërkombëtar si një ndihmë e madhe funksionale dhe estetike për riabilitimin e një ose më shumë dhëmbëve me përdorimin e protezave fikse ose të lëvizshme. Suksesi dhe kohëzgjatja e implanteve është i lidhur me termin "Osteointegrim" dhe ky është shumë i lidhur me termin dhe "stabilitet implantar".

Stabiliteti implantar ndikohet nga cilësia e kockës në zonën kirurgjikale. Në fakt një kockë kompakte bën një rezistencë më të madhe në momentin e futjes së implantit në vendin e tij, por ofron më shumë stabilitet. Nga ana tjetër, një kockë e përbërë kryesisht nga inde të buta do të ofrojë më pak rezistencë dhe si pasojë më pak stabilitet.

Në literaturë janë tre rrugë të propozuara nga autorë të ndryshëm për të shmangur problematikën e cilësisë së dobët të kockës dhe për të favorizuar rritjen e stabilitetit parësor dhe dytësor: "Sennerby et all. 1992; Ivanov et all. 1996" propozojnë të zgjasin periudhën e shërimit mbas fazës së parë kirurgjike, ndërsa "Venturelli 1996; Sennerby e Roos 1998" këshillojnë që të ndryshohet protokolli kirurgjikal duke përgatitur zonën në trashësi dhe gjatësi. Ndërkaq "Sullivan 1997; Orestein l1998" mbështeten në implante me sipërfaqe të ndryshme.

Dhe në linjën e këtyre autorëve të fundit hasim punën e Wang TM me titull "The effect of implant design and bone quality on insertion torque, resonance frequency analysis, and insertion energy during implant placement in low or low- to medium-density bon" i publikuar në "Int J Prosthodont" (janar, shkurt 2015)

Wang dhe kolegët e tij kanë treguar se implantet me forma të ndryshme tregojnë skema të ndryshme të harkut IT (inserim torque).

Implantet konike kanë treguar vlera IT më shumë se 40 Ncm për të gjitha blloqet e testit me laminat dhe për blloqet me teste jo-laminate me densitet të ulët dhe të mesëm.

Implantet me mure paralele nuk kanë treguar PIT ose vlera FIT më të larta se 40Ncm për të gjithë blloqet e testeve. Analiza e frekuencës se rezonancës ISQ është një metodë jo invazive që mat stabilitetin implantar dhe densitetin e kockës në kohë të ndryshme duke përdorur vibrimin dhe një princip të analizës strukturale.

Në studimin e Wang të gjithë implantet kanë treguar vlera në rritje të ISQ, kur implanti është futur më thellë. Të gjithë implantet kanë treguar një rritje të dukshme të PIT, FIT, IE dhe ISQ kur densiteti test-block kishte pësuar rritje ose kur shtresa me laminat 1 mm ishte e pranishme. Mund të arrihet në përfundimin se disa dizajne implantesh janë më të përshtatshme se të tjera nëse është e lartë kërkesa në kocka me cilësi të ulët.