Diagnoza e ndërprerjeve të përkohshme të frymëmarrjes që pengojnë gjumin: udhëzimet nga Kolegji Amerikan i Fizikanëve

Për diagnozën e ndërprerjeve të përkohshme që pengojnë gjumin, Kolegji Amerikan i Fizikanëve (ACP) ka krijuar udhëzime, të publikuara në revistën “Annals of internal medicine” për të paraqitur provat e reja dhe për të dhënë rekomandimet klinike mbi diagnozën, me dy rekomandime për sa i përket studim

Për diagnozën e ndërprerjeve të përkohshme që pengojnë gjumin, Kolegji Amerikan i Fizikanëve (ACP) ka krijuar udhëzime, të publikuara në revistën "Annals of internal medicine" për të paraqitur provat e reja dhe për të dhënë rekomandimet klinike mbi diagnozën, me dy rekomandime për sa i përket studimit të gjumit të pacientit. "Qëllimi i këtyre udhëzimeve të ACP-së është që të përballojë ekzaminimin dhe diagnozën e ndërprerjeve të frymëmarrjes gjatë gjumit duke prezantuar një përballje efikase me metodat diagnostikuese të disponueshme. Publiku që është marrë si referim për këto udhëzime përfshin të gjithë mjekët dhe për sa i përket pacientëve përfshin të gjithë të rriturit me ndërprerje të përkohshme të frymëmarrjes që pengojnë gjumin", shkruan Amir Qaseem, anëtar i Kolegjit Amerikan të Fizikanëve në Filadelfia, që firmosi i pari artikullin.
Anëtarët e ACP-së i kanë bazuar udhëzimet tek literatura në gjuhën angleze e identifikuar nga Medline (1966-maj 2013), "Cochrane central register dhe Cochrane database of systematic reviews". Si rezultate klinike janë përfshirë të gjitha shkaqet e vdekjeve, vdekshmëria për shkaqe kardiovaskulare, sëmundjet kardiovaskulare jo vdekjeprurëse, goditjet, hipertensioni, diabeti I tipit 2, nevojat postkirurgjike dhe cilësia e jetës. Nevoja të tjera diagnostike të konsideruara janë ndjeshmëria, specifikimet dhe probabiliteti.
Punimi ka sjellë dy rekomandime. Para së gjithash Acp - ja rekomandon një studim të gjumit për pacientët me përgjumje gjatë ditës të pashpjegueshme (gjendja: rekomandim i dobët, prova me cilësi të dobët). Përveç kësaj ekspertët amerikanë rekomandojnë teknikën multi-parametrike të përdorur në studimin e gjumit për testet diagnostikuese tek pacientët me dyshime për ndërprej të përkohshme të frymëmarrjes që pengojnë gjumin dhe monitorimin e gjumit tek pacientët që nuk kanë dy sëmundje kronike në të njëjtën kohë si alternativë e teknikës multiparametrike kur ajo nuk është e disponueshme për testet diagnostikuese (gjendja: rekomandim i dobët, prova për cilësi të moderuar).

Për më shumë informacione klikoni këtu

Përktheu: Valbona Spahia