Periodontiti te diabetikët, një sfidë. Dentistët dhe mjekët duhet të bashkëpunojnë më shumë

Është i nevojshëm një bashkëpunim ndërmjet dentistëve dhe mjekëve, në veçanti në rastin e pacientëve me periodontit infektiv dhe diabet. Është mesazhi që del nga Seminari i tretë i JSDEI (Joslin-Sunstar Diabetes Education Initiative), nga titulli "Diabetes, oral care and Nutrition", i zhvilluar në F

Paola Gregori

Është i nevojshëm një bashkëpunim ndërmjet dentistëve dhe mjekëve, në veçanti në rastin e pacientëve me periodontit infektiv dhe diabet. Është mesazhi që del nga Seminari i tretë i JSDEI (Joslin-Sunstar Diabetes Education Initiative), nga titulli "Diabetes, oral care and Nutrition", i zhvilluar në Frankfurt.
"Është e sigurt dhënia e ndihmesës së dentistëve tek pacientët me diabet, megjithatë gjithmonë mbahet mend që, kurdo që sëmundja të mos kontrollohet, mund të jenë në pritë rreziku i hipoglicemisë dhe më rrallë, të hiperglicemisë, përveç kësaj kjo sëmundje është një faktor rreziku jo vetëm për periodontitin, por edhe për dështimin e implanteve" shpjegon Robert J. Genco, pedagog i biologjisë orale dhe mikrobiologjisë, Universiteti Shtetëror i New York në Buffalo.
Ekziston një lidhje reciproke dy-drejtimëshe mes këtyre sëmundjeve.
Patologjia periodontike është një komplikacion i diabetit dhe është i pranishëm me gjendje më të keqe dhe 2-3 herë më shpesh tek këto të sëmurë, sidomos kur ata kanë një kontroll të dobët të glukozës. Tek diabeti i pakontrolluar në fakt periodontiti procedon 4 herë më me shpejtësi në krahasim me individët e shëndetshëm, përveç kësaj terapia e saj është më pak efikase, sidomos tek pacientët obezë. Problemi në fakt nuk është edhe aq shumë diabeti, në krahasim me kontrollin e duhur të tij në termat e glukozës dhe rritjes së peshës.
Veprimi i koordinuar dhe i kombinuar mjek-dentist do të lejonte para së gjithash të identifikohej në fillim njëra ose tjera patologji, por edhe të përmirësonte jo vetëm shëndetin oral por edhe atë sistemik. "Edhe nëse akoma janë të nevojshme studimet në këtë drejtim, ka një provë në rritje që kura e sëmundjes periodontike do të sjelli një kontroll të glukozës më të mirë në krahasim me terapinë e vetme konvencionale, të paktën tek disa pacientë, domethënë, para-diabetik, ato që nuk janë obezë dhe ato tek të cilët diabeti nuk është i pranishëm për një kohë të gjatë", pohon Thomas Kocher, Drejtor i departamentit të periodoncisë në shkollën Dental School, në Greifswald Gjermani.
"Është gjithmonë e nevojshme një drejtim i përbashkët mjek-dentist të parandalimit dhe terapisë së diabetikëve me sëmundje periodontike, në veçanti kur nevojitet të programohen implantet dhe heqjet strategjike" vijon Robert J. Genco, "Është e këshillueshme të trajtohet një pacient me diabet në mëngjes dhe t'i jepet gjysma e dozës së insulinës jo doza e plotë, përpara ndërhyrjes" sugjeron Baptist Gallwitz, zëvendës president i Shoqatës së diabetikëve gjerman (DDG). Është e nevojshme të vendoset nëse është detyrë e dentistit ajo që të bëjë një konsultim mbi stilin e jetës (duke i kërkuar që të lënë duhanin, të praktikojnë aktivitetin fizik, të reduktojnë peshën në rast obeziteti) për të përmbajtur rrezikun e periodontitit dhe diabetit të tipit 2. Përveç kësaj, në rastin e një dyshimi konkret që pacienti me periodontit mund të jetë diabetik, është mirë që vetë dentisti të këshillojë (ose ta kryej personalisht) matjen e glicemisë, duke e ftuar nëse është e nevojshme tek mjeku që kujdeset për këtë. Periodontiti në fund mund të lidhet me një nivel të ulët të vitaminës D, për të cilin mund të vlerësohet edhe një plotësim i saj ose thjesht të ftohet pacienti të qëndrojë më gjatë në ajër të pastër duke u ekspozuar tek rrezet e diellit" përfundon Thoman Kocher.

Përktheu: Valbona Spahia