Analiza e frekuencës së rezonancës në lidhje me përfshirjen torque

Me rritjen e moshës mesatare gjithnjë e më shumë pacientë trajtohen me drejtime implanto-protezë edhe falë thjeshtimit të protokollit kirurgjik dhe të protezës, me përmirësimin e materialeve dhe zbulimeve të fundit në fushën biomjekësore. Megjithatë kufizimet e këtij lloji trajtimi janë ende shumë d

Me rritjen e moshës mesatare gjithnjë e më shumë pacientë trajtohen me drejtime implanto-protezë edhe falë thjeshtimit të protokollit kirurgjik dhe të protezës, me përmirësimin e materialeve dhe zbulimeve të fundit në fushën biomjekësore. Megjithatë kufizimet e këtij lloji trajtimi janë ende shumë dhe sfida e dentistit është ajo e parashikueshmërisë absolute.
Por, aktualisht, janë akoma të shumta problematikat dhe variablat që mund të shkaktojnë dështimet: në fakt suksesi i implanteve në 5 vjet është 61,3% (55,3-66,8) (Jemt et al. 2003, Bragger et al. 2001, Ortorp e Jemt 1999, Wennerberg e Jemt 1999). Dështimet mund të jenë me natyrë biologjike ose mekanike. Ato me natyrë biologjike në vitin e parë të vënies shfaqen me një normë 9-12% (përkatësisht implante me qafë të butë dhe TiO2-blasted) (Gotfredscn e karlsson 2001), 9,6% ( Bragger et al. 2001), 9% ( Behneke et al. 2000), në fund 13% ( Wyatt e Zarb 1998). Komplikimet e tipit mekanik mund të jenë:
1) Thyerje e porcelanit 5,51% ( Lekholm et al. 1994), 4,62% ( Wyatt e Zarb 1998), 3,39% (Jemt et al. 2003);
2) Zhvidhosja e vidave lidhëse 5,8 % ( Ortorp e Jemt 1999);
3) Thyerje e mbajtëses ose e vidave lidhëse 0,88% ( Wennerberg e Jemt 1999), 0,85% ( Wyatt e Zarb 1998), 0,21% ( Andersson et al.2003);
4) Thyrje të fiksuesve 0,21% ( Lekholm et al. 1994), 0,24% ( Bragger et al. 2001);
5) Decementimi i protezës 2,9% ( Bragger et al. 2001 e 2004 ).
Duket qartë, pra, që përdorimi i protokolleve kirurgjike të standartizuara, zgjedhja e pacientëve, kohë të përshtatshme për vënien e implanteve dhe terapia e mbajtjes lujanë një rol të rëndësishëm për suksesin afatgjatë.
Qëllimi i punimit: ambicia e këtij studimi është ajo e lidhjes së disa parametrave klinike si përfshirja e momentit të përdredhjes, cilësisë së kockave ( Rebaudi et al. 2010), përthithjes kockore, frekuencës së rezonancës (RFA, Resonance Frequency Analysis), duke marr ISQ (Implant Stability Quotiens) në lidhje me suksesine e implantit afat shkurtër dhe afat gjatë.
Materiale dhe metoda: janë regjistruar 30 pacientë, me moshë mesatare 58,3 vjeç (58,3±10,27; Media±Dev. St): 16 burra dhe 14 gra. Kriteret e përfshirjes parashikojnë që pacientë të tillë të mos jenë duhanpirës, të mos kenë asnjë patologji sistemike, asnjë periodontopati dhe mosfunksionim apo shqetësim të ATM, një Full Mouth Plaque Score dhe një Full Mouth Breeding Score nën 20%. Përveç kësaj janë zgjedhur të gjithë ata që kishin mungesë të dhëmbëve në zonën e poshtme të gojës qoftë mandibulare qoftë në nofull. Në asnjë rast nuk janë përdorur teknikat rigjeneruese, zgjeruese të kreshtës kockore ose ngritja e një sinusi në nofull. Janë futur në kompleksitet 80 implante, të gjithë të zhytur dhe të gjithë kishin një diametër mbi 3,3 mm dhe një gjatësi të paktën 10mm, sipërfaqe të ashpër dhe është pritur për një periudhë konvencionale shërimi. Implantet cilindrike të përdorur janë: 20 me sipërfaqe SLA; 20 Sandblasted; 20 ProActive; 20 Ossean. Gjatë futjes së implanteve është vlerësuar përdredhja me motor kirurgjik iChiropro dhe është zbuluar ISQ-ja me Osstell Mentor i gjeneratës së dytë. Janë kryer takime periodike me distancë 2,4 muaj nga ndërhyrja e parë dhe me 1 muaj pas vënies së protezës, duke vlerësuar RFA-në.
Rezultate: nga të dhënat që kemi, vetëm një implant rezulton i pa integruar në kockë në zonën 27, me një vlerë përdredhjeje 24 N/Cm2 dhe një vlerë ISQ 60(Sandblasted).
Rezultatet e përfshirjes së torque janë si më poshtë:
Ossean: 45,4 N/Cm2 ± 10,12 Media±Dev. St; Sandblasted: 41 N/Cm2 ± 12,27 Media±Dev. St. SLA: 40,5 N/Cm2 ± 8,15 Media±Dev. St; ProActive: 33,1 N/Cm2 ± 3,69 Media±Dev. St;
Përgjigjet e ISQ-së janë: SLA: 79 ± 2,80 Media±Dev. St; ProActive: 75,5 ± 7,55 Media±Dev. St; Sandblasted: 73 ± 8,48 Media±Dev. St; Ossean: 72,17± 7,07 Media±Dev. St. Tabela 1 tregon lidhjen e rezultateve të ISQ në funksion të kohës.
Diskutime: të dhënat që kemi nuk lejojnë që të bëjmë lidhjen e përfshirjes së torque me vlerën ISQ. Të vetmet të dhëna statistikore të rëndësishme me P<0,05% i përkasin vetëm vlerave ISQ të SLA dhe ProActive.
Mungesa e lidhjes ndërmjet TORQUE dhe ISQ, mbi të gjitha në këtë rast, mund të supozojmë se këto implante kanë një aftësi më të madhe të integrimit në kockë në kockën e butë. Mund të jetë për shkak të faktorëve të shumtë: dizajni i implanteve me aftësi konkurruese të mëdha, sipërfaqe e implanteve që përcakton një BIC më të madh, freza me një aftësi prerëse më të madhe dhe heqja e më e madhe e frustulave dhe ujit.
Përfundime: nga të dhënat tona nuk kemi gjetur lidhje ndërmjet përfshirjes së torque dhe ISQ në pjesët e poshtme pa dhëmbë. Por, duket, se ISQ-ja lidhet me gjeometrinë e implantit, në veçanti me gjatësinë dhe me morfologjinë e kockës, ndërsa implantet e futura në kockën „soft" tregojnë një rritje progresive të vlerave në rrjedhën e periudhës së shërimit.
Pohojmë se një torque i lartë mund të kushtëzojë në mënyrë të konsiderueshme fazat e para vaskulare të integrimit kockor, duke kompromentuar kohëzgjatjen afatgjatë të implantit, prandaj është e këshillueshme, një qasje e arsyetuar tek faqja në bazë të densitetit të kockës. Janë kryer radiografi intraorale në një muaj nga vënia e implantit dhe nuk kanë treguar një humbje të konsiderueshme të kockës përreth implanteve.
Përveç kësaj, mundësia për të pasur regjistrime të qëndrueshmërisë primare me një grafik të torque, ISQ dhe radiografisë dhe të monitorohet shërimi me ISQ dhe radiografitë intraorale na kanë dhënë mundësinë për të pasur një metodë pune racionale në menaxhimin e rastit dhe në arkivimin e të dhënave edhe për qëllime mjeko-ligjore.