Dhimbjet kronike faciale: sindroma e gojës që djeg (BMS) dhe dhimbja idiopatike e vazhdueshme faciale (PIFP)

Qëllimi i punimit është të sigurojë të dhënat më të fundit mbi njohuritë eziopatologjike dhe klinike të dy kuadrove klinikë me përkatësi stomatologjike të karakterizuar nga dhimbja kronike: sindroma e gojës që djeg (BMS) dhe dhimbja idiopatike e vazhdueshme e fytyrës PIFP.

D.Adamo, M.D.Mignogna, A.Sardella, M.Tarce

Përmbledhje
Objektiva. Qëllimi i punimit është të sigurojë të dhënat më të fundit mbi njohuritë eziopatologjike dhe klinike të dy kuadrove klinikë me përkatësi stomatologjike të karakterizuar nga dhimbja kronike: sindroma e gojës që djeg (BMS) dhe dhimbja idiopatike e vazhdueshme e fytyrës (PIFP). Dhimbja kronike e fytyrës paraqet një problem përballë të cilit gjendet shpesh stomatologu. Në fakt, është vlerësuar që përhapja e saj e përgjithshme në popullsi mund të jetë e barabartë me 25%. Mes kuadrove më të shpeshta, ato që paraqesin masën nozologjike të ndryshme janë sindroma e gojës që djeg (Burning Mouth Syndrome,BMS) dhe dhimbja idiopatike e vazhdueshme e fytyrës (Persistent Idiopathic Facial Pain, PIFP). Qëllimi i këtij rishikimi është të sigurojë të dhënat më të fundit mbi njohuritë eziopatologjike të dy kuadrove duke nënvizuar mbi të gjitha supozimet e llojit neuropatik. Në të dyja rastet theksohet rëndësia e një afrimi empatik tek pacientët e prekur nga këto sëmundje.
Materiale dhe metoda. Në bazë të analizës së literaturës më të fundit propozohet një përditësim i të tilla kuadrove nozlogjike me lidhje të veçantë me eziopatologjinë e tyre, me proçedurat diagnostike të treguara dhe qasjet terapeutike më efikase për drejtimin e tyre klinik.
Rezultate dhe përfundime. Për të konfermuar vlefshmërinë e protokolleve që orientojnë drejt prespektivave të reja për të kuruar këto sëmundje janë sidoqoftë të nevojshme studime të mëtejshme. Me siguri BMS dhe PIFP janë patologji shumë më komplekse sesa mendohej në të shkuarën dhe gjithë kjo punë duhej për të sqaruar me saktësi ezopatogjenezën, shkaqet dhe protokollin terapeutik më të përshtatshëm.

Në Download Center gjeni punimin origjinal në format të plotë.

Përktheu: Valbona Spahia