Procedurat klinike për zbardhjen e dhëmbit që është trajtuar më parë në mënyrë endodontike

Ngjyra e një dhëmbi përcaktohet nga një kombinim i fenomeneve që lidhen me vetitë e tij optike dhe me ndërveprimin e tij me fluksin e dritës,

G. Plotino, N.M. Grande, L. Bruno, S. Raeli, F. Somma

Ngjyra e një dhëmbi përcaktohet nga një kombinim i fenomeneve që lidhen me vetitë e tij optike dhe me ndërveprimin e tij me fluksin e dritës, prandaj pothuajse çdo ndryshim në strukturën e smaltit, të dentinës ose të pulpës së dhëmbit mund të sjelli një ndryshim të përqindjes së ngjyrës së elementit të prekur. Çngjyrimet e dhëmbëve ndryshojnë nga eziologjia, pamja, vendosja, ashpërsia dhe sasia, prandaj një diagnozë e saktë e shkaqeve të çngjyrimit të dhëmbit është me rëndësi shumë të madhe për prognozën e trajtimit pasues. Në këtë rishikim të literaturës pasi janë analizuar shkaqet e çngjyrosjes së dhëmbit në pjesën e brendshme dhe jo thelbësore, përshkruhen agjentët e ndryshëm zbardhues (peroksidi hidrogjenit, karbamid peroksid, perborate natriumi) dhe proçedurat e ndryshme klinke për zbardhimin e dhëmbëve të trajtuar në mënyrë endodontike, duke analizuar në mënyrë të detajuar tre teknika: teknikën "walking bleach", atë "termokatalitike" dhe atë "in office". Përsa i përket prognozës së zbardhimit të dhëmbëve pa jetë, pavarësisht pranisë së shumë raporteve klinike, ka mungesë në literaturë të studimeve të provave shkencove mbi këtë argument. Pastaj duhen marrë gjithmonë në konsideratë komplikacionet e mundshme dhe rreziqet që lidhen me teknika të ndryshme të zbardhimit, që mund të paraqesin një sërë efektesh, ende jo të qarta plotësisht, qoftë sistemike qoftë lokale.
Teknika "walking bleach" që përdor një përzierje të perborate natriumi dhe ujë të distiluar është përmendur në një raport të Marsh dhe të botuar nga Salvas. Në këtë teknikë, solucioni zbardhues lihet në "dhomën" e pulpës për disa ditë dhe zgavra ngjitet me cemento provizore. Ky koncept i pozicionimit në "dhomën" e pulpës të perkarborate natriumi dhe ujit të distiluar është sjellë nga Spasser dhe është modifikuar nga Nutting dhe Poe që kanë përdorur peroksid hidrogjeni me 30% në vend të ujit për të rritur efikasitetin zbardhues të përbërjes.
Teknika "termokatalitike" është propozuar për shumë vite si teknika më e mirë për zbardhjen e dhëmbëve pa jetë duke patur parasysh ndërveprimin e lartë të peroksidit të hidrogjenit me nxehtësinë. Tek kjo teknikë peroksidi i hidrogjenit me 30-35% vendoset në "dhomën" e pulpës dhe ngrohet me llamba të posatçme ose mjete për ngrohje.
Teknika "in office" është një teknikë që përdor xhelin zbardhues me bazë peroksid hidrogjeni. Xheli mund të aplikohet nëpërmjet maskave zbardhuese ose direkt mbi elementin e izoluar nga një ndarëse gome.
Artikulli origjinal gjendet tek Download Center.

Përktheu: Valbona Spahia