Osteonekroza nga bifosfonati. Nga laboratori vjen një zgjidhje e mundshme: mevalonate

Mevalonate mund të frenojnë procesin e aktivizimit osteoklastik të shkaktuar nga acidi zoledronik (një nga bifosfonatët më të përhapur që përdoren): një perspektivë interesante për osteonekrozën nga bifosfonati.

Prof. Massimo Gagliani

Mevalonate mund të frenojnë procesin e aktivizimit osteoklastik të shkaktuar nga acidi zoledronik (një nga bifosfonatët më të përhapur që përdoren): një perspektivë interesante për osteonekrozën nga bifosfonati.
Në të shkuarën e afërt osteonekroza nga bifosfonatët ka patur vëmendjen e odontostomatologëve, duke qënë se janë lezione të kockës së nofullës që shkaktojnë paaftësi, disa prej tyre madje janë aq të rënda saqë mund të shkaktojnë vdekjen e pacientit.
Bifosfonatët janë barna që përdoren gjerësisht në fushën e patologjive me origjinë kockore, si ato kronike dhe neoplastike dhe janë barna që zgjidhen për format specifike të mielomës së shumfishtë.
Në doza më të vogla ato paraqesin zgjedhjen bazë për terapinë e osteoporozës që prek gratë pas menopauzës, në sëmundjen e Paget dhe të tjera sëmundje degjenerative të kockës.
Mekanizmat e veprimit që përfshijnë procesin e osteonekrozës nuk janë plotësisht të përshkruar, por një aktivizim osteoklastik i shkaktuar nga acidi zoledronik është supozuar më së shumti. Në punimin, e publikuar në numrin e Prillit te Journal of Dental Research, roli i metabolikëve të acidit mevalonik te qelizat e kockës, i shënuar si acidi Geranilgeranil në dy formulimet e tij të përshkruara sintetikisht si GGOH dhe GGPP, është marrë në konsideratë.
Në eksperimentin në fjalë është vëzhguar efekti pozitiv i marrë nga administrimi i GGOH dhe GGPP, kur ishte i pranishëm acidi zoledronik, në kufizimin e aktivizimit të osteoklasteve, qelizat e kockës të deleguara nga modifikimi i indeve që, nëse nuk rregullohen në mënyrë perfekte, mund sjellin pikërisht prishjen e strukturës kockore dhe lehtësimin e kolonizimit bakterial të boshllëqeve të lira.
Nëse këto rezultate të para do të konfermoheshin mundësia për të kundërvepruar ndaj efekteve negative të acidit zoledronik, sidomos në procedurat kirurgjike, me përdorimin e këtyre përgatitjeve do të hapte një rrugë të re në parandalimin dhe terapinë e osteonekrozës nga bifosfonati.

Nën kujdesin e: Massimo Gagliani, koordinator shkencor për fushën stomatologjike tek Edra Lswr

Bibliografia
Journal of Dental Research - 2015, Vol. 94(4) 594-601
Mevalonates Restore Zoledronic Acid- induced Osteoclastogenesis Inhibition Y. Nagaoka, H. Kajiya, S. Ozeki, T. Ikebe, and K. Okabe

Përktheu: Valbona Spahia