Sheqernat e thjeshta janë në bazë të procesit të kariesit. Për IADR kariesi nuk është një patologji multifaktoriale

International Association for Dental Research (IADR) është një grup kërkuesish akademik ndërkombëtar që kanë si mision shëndetin e përgjithshëm oral dhe që operojnë në partneritet me shoqatat dentare kombëtare, industrinë, universitetet.

Davis Cussotto

International Association for Dental Research (IADR) është një grup kërkuesish akademik ndërkombëtar që kanë si mision shëndetin e përgjithshëm oral dhe që operojnë në partneritet me shoqatat dentare kombëtare, industrinë, universitetet. IADR ka publikuar së fundmi dy raporte që theksojnë rolin e sheqernave të tjeshta si agjentin kryesor kariogjen dhe kritikojnë mendimin se kariesi është një patologji multifaktoriale.
Raporti i parë është i Aubrey Sheiham epidemiolog Britanik që beson se sheqernat e thjeshta janë përcaktuesi kryesor i kariesit ndërsa faktorët e tjerë, flora bakteriale së pari, do të zhvillonte thjesht një efekt shoqërues. Sheqernat e thjeshta, për Organizatën Botërore të Shëndetit (OBSh), janë mono ose disakaridet që i shtohen elementëve nga industria ushqimore, nga kuzhinierët ose nga vetë konsumatori, përveç sheqernave të mjaltit dhe të lëngjeve natyrale të frutave. Nuk bëhet pra, një dallim midis sheqernave që i shtohen nga njeriu ushqimeve dhe atyre që janë të pranishëm në natyrë. Midis faktorëve përgjegjës për kariesin, - shkruan Sheiham, - renditet flora bakteriale, fluksi i pështymës, roli i substancave acide. Por të përcaktosh kariesin një patologji multifaktoriale është e gabuar sepse pa sheqernat e thjeshta kariesi nuk do të realizohej.
Tashmë është e qartë se zinxhiri i fenomenëve që çojnë në lezionin e kariesit fillon nga këtu. Përse ta përcaktosh kariesin si një sëmundje të transmetueshme dhe infektive, nëse mikroganizmat janë të gjithëpranishëm në gojë dhe është vetëm substrakti i sheqerit që nxit pastaj rritjen e patogjenëve, palëvizshmërinë e tyre dhe prodhimin e substancave acide të nevojshme për realizimin e lezionit?
Përpiqen që të japin përgjigje për këtë çështje Beau Meyer, DDS dhe Jessica Y. Lee , studiues në Universitetin e Karolinës së Veriut dhe autorët e raportit "lidhja midis sheqerit, kariesit dentar dhe politikave shëndetësore" në të cilën mbështesin se duhej një ndryshim në sjellje, por i vështirë për t'u ndërmarrë sepse industria e sheqerit ka një ndikim të rëndësishëm mbi komitetet dhe organizatat ndërkombëtare.
Disa përparime po realizohen, OBSh - ja ka ndryshuar së fundmi udhëzimet mbi konsumet e sheqernave të pastër. Edhe pse shpresohej një tolerancë zero kanë lëvizur me hapa të vegjël në drejtimin e duhur.
"Është rekomanduar shumë konsumi i sheqernave të thjeshta në ditë më pak se 10% e raportit energjitik total edhe pse është e këshillueshme - vijon deklarata e OBSh - së - të mos kalohet 5% e raportit energjitik."

Përktheu: Valbona Spahia