Aplikimi i xhelit me bazë bifosfonati në pjesët ku është vendosur implanti për të fuqizuar osteointegrimin: studimi te kaviet është kontradiktor

Suksesi në implantologji për një kohë të shkurtë dhe të gjatë lidhet ngushtë me sasinë dhe cilësinë kockore. Për më tepër, dëshira për të arritur një osteointegrim më të shpejtë qoftë nga ana e profesionistëve të shëndetit qoftë nga ana e pacientëve

Lara Figini

Suksesi në implantologji për një kohë të shkurtë dhe të gjatë lidhet ngushtë me sasinë dhe cilësinë kockore.
Për më tepër, dëshira për të arritur një osteointegrim më të shpejtë qoftë nga ana e profesionistëve të shëndetit qoftë nga ana e pacientëve, sjell shpesh reduktimin e kohëve midis pozicionimit të implantit dhe ngarkesës okluzale.

Kjo ka motivuar studimin për të zhvilluar materialet dhe teknikat gjithnjë e më të mira për të optimizuar procesin e osteointegrimit përreth impianteve dentare.
Së fundmi në literaturë është propozuar përdorimi i bifosfonatit si biomodulator i kockës në implantologji për shkak të aftësisë së tyre të njohur për të penguar veprimtarinë e osteoklasteve, duke siguruar një ndikim pozitiv mbi formimin e kockës dhe rimodelimin e saj, hipotetikisht me një përmirësim si pasojë e qëndrueshmërisë së implanteve në titan te qeniet njerëzore.
Por për fat të keq kërkimi in vitro te kaviet ofron rezultate kontradiktore dhe ndonjëherë të kundërt njëri me tjetrin.

Nëse nga njëra anë kemi studimet (Harmankaya 2013; Bobyn 2014; Lee 2011; Cuaira'n 2014) ku rastet në të cilat aplikimi lokal i bifosfonatëve në pjesët ku është vendosur implanti siguron rezultate në të cilat spikat një densitet më i madh kockor dhe qëndrueshmërinë e implanteve në krahasim me rastet e kontrollit, në studime të tjera, si ai i përshkruar në vijim, duket se është e kundërta në fakt.
Në këtë studim brazilian i Guimarães MB. dhe bashkëpunëtorët e tij, i publikuar në International Journal of Oral and Maxillofacial Surgery në nëntor 2015, i kryer in vitro te lepujt, është kryer një analizë krahasuese mbi osteointegrimin e implanteve në titan i vendosur me dhe pa aplikimin lokal të xhelit të natriumit alendronate, një bifosfonat klasik. Një studim ka parashikuar vendosjen e 50 implanteve në titan të vendosur në pjesën e mesit të fyellit të këmbës te 10 lepuj, duke përdorur fyellin e këmbës së majtë si pjesë prove. Një xhel me bazë natrium alendronate është aplikuar në nivel lokal në grupin e provës dhe solucion steril kripe në grupin e kontrollit.

Pas 28 ditësh janë vlerësuar parametrat e mëposhtëm:
- Torque i nevojshëm maksimal për heqjen e implanteve
- Densitet kockor përreth implanteve
- Cilësia e sipërfaqes në kontakt kockë - implant (BIC)
Nga rezultatet e marra në këtë studim del se te kampionët e grupit të provës (me aplikimin e xhelit të natriumit alendronate) torque i nevojshëm për heqjen e implanteve, mesatarisht, është rezultat i të qenit gjysma e asaj që është marrë në rastet e kontrollit (pa aplikimin e xhelit të natriumit alendronate). Grupi i provës ka treguar përveç kësaj një përqindje të BIC më të vogël te rastet e kontrollit.
Kërkimi in vitro nxjerr rezultate kontradiktore mbi avantazhet e aplikimit të xhelit me bazë bifosfonati në pjesët e implanteve duke ju referuar cilësisë së osteointegrimin brenda një kohe të shkurtër. Prandaj përdorimi i këtyre barnave në pjesë lokale është tashmë i parekomanduar me siguri.

Nën kujdesin e: Lara Figini, Koordinatore Shkencore e Odontoiatria33

Bibliografia:
- Harmankaya N, Karlsson J, Palmquist A, Halvarsson M, Igawa K, Andersson M, et al. Raloxifene and alendronate containing thin mesoporous titanium oxide films improve implant fixation to bone. Acta Bio-mater 2013;9:7064-73.
- . Bobyn JD, Thompson R, Lim L, Pura JA, Bobyn K, Tanzer M. Local alendronic acid elution increases net periimplant bone for- mation: a micro-CT analysis. Clin Orthop Relat Res 2014;472:687-94. 17. Yoshinari M, Oda Y, Ueki
- Lee SJ, Oh TJ, Bae TS, Lee MH, Soh Y, Kim BI, et al. Effect of bisphosphonates on anod-ized and heat-treated titanium surfaces: an animal experimental study. J Periodontol 2011;82:1035-42.
- Cuaira´n C, Campbell PM, Kontogiorgos E, Taylor RW, Melo AC, Buschang PH. Local application of zoledronate enhances min-iscrew implant stability in dogs. Am J Orthod Dentofacial Orthop 2014;145: 737-49.
- Int J Oral Maxillofac Surg. 2015 Nov;44(11):1423-9. Influence of the local application of sodium alendronate gel on osseointegration of titanium implants. Guimarães MB, Bueno RS, Blaya MB, Shinkai RS, Marques LM.

Përktheu: Valbona Spahia