Ngrohja paraprakisht e materialeve të reja kompozitë Bulk-fill: kontraktimi nga polimerizimi dhe shkalla e konvertimit

Kohët e fundit janë futur në treg kompozitat Bulk-fill që po marrin vëmendje sidomos sepse mund të lejojnë rritje me 4mm pa efekte negative te polimerizimi , duke pretenduar një karakteristikë shumë të mirë të përshtatjes në kavitet dhe një shkallë të mirë të konvertimit (DC).

Lara Figini

Një rezinë kompozitë ideale duhet të paraqesë një shkallë të lartë të konvertimit (DC) dhe vetëm një kontraktim minimal nga polimerizimi.
Konvertimi i përshtatshëm i materialeve kompozitë në rezinë është thelbësor për të përcaktuar rendimentin e tyre mekanik.
Në mënyrë ideale, gjatë veprimit të polimerizimit i gjithë monomeri në materialin e rezinës kompozitë duhet të konvertohet në polimer. Megjithatë monomerët dimetakrilat paraqesin lidhje dyshe karboni të mbetur në materialin përfundimtar, me një shkallë konvertimi (DC) që luhatet nga 55% deri në 75% [Eliades 1987, Ferracana 1986, Ruyter 1988].

Kohët e fundit janë futur në treg kompozitat Bulk-fill që po marrin vëmendje sidomos sepse mund të lejojnë rritje me 4mm pa efekte negative te polimerizimi , duke pretenduar një karakteristikë shumë të mirë të përshtatjes në kavitet dhe një shkallë të mirë të konvertimit (DC). Përveç kësaj kontraktimi i tyre nga polimerizimi duket se është më i vogël te kompozitat konvencionale, aq sa për të reduktuar problematikat post - operative të formimit të boshllëkut me pasojë formimin e kariesit sekondar.
Është e njohur tashmë që lloji i materialit kompozitë dhe temperatura pre-polimerizim ndikojnë shkallën e kontraktimit përfundimtar të kompozitës.
Duke i ngrohur paraprakisht kompozitat e reja bulk-fill gjatë restaurimeve përpara fotoaktivizimit duket se zvogëlon më shumë forcën e kontraktimit nga polimerizimi i kryer pa kompromentuar shkallën e konvertimin edhe më shumë se në materialet kompozitë konvencionale.

Për këtë flitet në numrin e Nëntor 2015 të Journal of Dentistry. Autorët e këtij punimi kanë analizuar katër materiale kompozitë bulk-fill (Tetric EvoCeram Bulk-fill TECBF, x-tra fil-XF, QuixFil-QF, SonicFill-SF) dhe një kompozitë konvencionale nano-hibride (Tetric EvoCeram-TCE). Materialet provë kanë qenë ose janë konservuar në temperaturë ambienti ose janë ngrohur paraprakisht në 68°C nëpërmjet një pajisjeje për ngrohje, përpara se të fotoaktivizohen me llambë fotopolimerizuese LED për 20 sekonda në 1170mW/cm. Pra janë regjistruar vlerat e forcës së kontraktimit me trashësi 1,5 mm në kohë reale për 15 minuta në brendësi të një dhome me temperaturë të kontrolluar 25°C (temperatura e stimulimit intraoral pas aplikimit të digës së gomës) me një analizues stresi. Është analizuar edhe shkalla e konvertimit të kampionëve nëpërmjet spektro-skopisë me rreze infra të kuqe. Të dhënat janë analizuar me testin t, testin HSD post-hoc ANOVA dhe Tukey.

Autorët kanë arritur rezultatet e mëposhtme:
Ngrohja paraprakisht e materialit kompozitë përpara fotopolimerizimit ka sjellë një rritje të konsiderueshme të shkallës së konvertimit të Tetric EvoCeram Bulk-fill (TECBF), por nuk ka patur efekte të veçanta në konvertimin e monomerëve të materialeve të tjera të hetuara. Për secilin nga materialet e provës, kompozitat e ngrohura paraprakisht kanë gjeneruar forca kontraktimi në mënyrë të konsiderueshme më të ulëta në krahasim me kompozitat e përdorura në temperaturën e ambientit.
Duke i ngrohur paraprakisht kompozitat përpara foto - polimerizimit reduktohet në mënyrë të konsiderueshme forca e kontraktimit edhe te kompozitat e reja me viskozitet të lartë bulk-fill përveç kompozitave rezinë konvencionale, por diversiteti i shkallës së konvertimit përfundimtar varet shumë edhe nga materiali kompozitë specifik që është përdorur.

Nën kujdesin e: Lara Figini, Koordinatore Shkencore e Odontoiatria33

Bibliografia:
- C. Eliades, G.J. Vougiouklakis, A.A. Caputo Degree of double bond conversion in light-cured composites Dent Mater, 3 (1) (1987), pp. 19-25
- J.L. Ferracane, E.H. Greener The effect of resin formulation on the degree of conversion and mechanical properties of dental restorative resins J Biomed Mater Res, 20 (1) (1986), pp. 121-131
- I.E. Ruyter, H. Oysaed Analysis and characterization of dental polymers Crit Rev Biocompat, 4 (3) (1988), pp. 247-279- J Dent. 2015 Nov;43(11):1358-64. Pre-heating of high-viscosity bulk-fill resin composites: Effects on shrinkage force and monomer conversion. Tauböck TT, Tarle Z, Marovic D, Attin T.

Përktheu: Valbona Spahia