Mbushës i ri bioaktiv me bazë xhami për restaurimet në kompozitë: rezultate laboratorike të shkëlqyera për reduktimin e rrjedhjes margjinale

Nga një studim i kryer në Shtetet e Bashkuara ka dalë se normat e dështimit vjetor për restaurimet në kompozitë shkojnë deri në 15% [Hickel 2005]

Nga një studim i kryer në Shtetet e Bashkuara ka dalë se normat e dështimit vjetor për restaurimet në kompozitë shkojnë deri në 15% [Hickel 2005] dhe një rishikim i literaturës sugjeron që kohëzgjatja mesatare relative e kompozitave dentare është vetëm 6 vjet [Downer 1999].
Motivi më i zakonshëm i këtyre dështimeve është kariesi sekondar që verifikohet në kufijtë e mbushjes.
Për të reduktuar kariesin sekondar te restaurimet në kompozitë kërkimi propozon një material bioaktiv me bazë xhami (BAG) i njohur për zotërimin e vetive antimikrobike dhe rimineralizuese por përdorimi i tij si mbushje për restaurimet me kompozitë me bazë rezine për të ngadalësuar kariesin e përsëritur nuk është studiuar akoma shumë.

Sipas një studimi të fundit in vitro në Amerikë të publikuar në Dental Materials në janar 2016 ky material bioaktiv me bazë xhami (BAG) nëse është përbërës i rezinës për mbushjet e dhëmbëve është në gjendje të reduktojë në mënyrë të konsiderueshme penetrimin e biofilmit në hapësirat margjinale të restaurimeve, me fuqinë për të ngadalësuar zhvillimin dhe përhapjen e kariesit sekondar në kufijtë e restaurimit.
Autorët e studimit kanë marrë molarë të shëndetshëm që janë hequr nga njerëzit, kanë kryer një seksion të parë poshtë majës së rrënjës dhe një seksion të dytë mbi pulpën e dhëmbit.

Janë prodhuar pra seksione të dhëmbit me trashësi 2,5 - 3 mm dhe me diametër 9mm, të përbërë nga dentina me smalt në perimetrin e diskut. Është kryer më pas mbushja e këtyre seksioneve, ndërsa kufiri i tyre është polimerizuar për 10 sekonda dhe kompozita, e futur me rritje të vetme të trashësisë me rreth 2 mm, të polimerizuar për 20 sekonda. Mbushjet janë kryer duke përdorur dy tipe materialesh kompozitë:
- Grupi 1: te i cili materiali kompozitë përmbante 15% të peshës së mbushjes me BAG (15BAG)
- Grupi 2 ose grupi i kontrollit pa BAG, tek i cili materiali kompozitë përmban një mbushje me bazë aerosol silici (0BAG-kontrolli).
Kampionët e të dyja grupeve janë infektuar dhe në sipërfaqen e tyre është kultivuar një biofilm me Streptocossus mutans, pra të testuar në brendësi të një bioreaktori për dy javë ndërsa i janë nënshtruar cikleve me ngarkesë mekanike. Është vlerësuar pra thellësia e penetrimit të biofilmit qoftë për kampionët 0BAG dhe qoftë për kampionët 15BAG.

Nga rezultatet e marra nga autorët në këtë studim është parë që thellësia mesatare e penetrimit bakterial në boshllëkun margjinal për kampionët e mbushur me 15BAG ishte në mënyrë të konsiderueshme më e vogël (~61%) në krahasim me atë të marrë për kampionët e mbushur me 0BAG dhe pa këtë mbushës inovativ bioaktiv me bazë xhami, ku është vëzhguar një penetrim me 100% për të gjithë kampionët me biofilm të penetruar nën restaurim.

Mbushësi inovativ bioaktiv me bazë xhami (BAG) që përmbahet nga rezina e kompozitave dentare redukton penetrimin in vitro të biofilmit në hapësirat margjinale të restaurimit/sipërfaqet e dhëmbëve. Kjo sugjeron që rikonstruksionet në kompozitë me bazë BAG mund të kenë edhe fuqinë për të ngadalësuar zhvillimin dhe përhapjen e kariesit sekondar në kufijtë e restaurimit, duke zgjatur jetëgjatësinë mesatare. Por janë të nevojshme studime klinike të fundit për konfirmim.

Nën kujdesin e: Lara Figini, Koordinatore Shkencore e Odontoiatria33

Përktheu: Valbona Spahia