Leukoplakia pushore: nuk lidhet gjithmonë me HIV - in apo me imunodepresione të rëndësishme. Mund edhe të shkaktohet nga marrja e medikamenteve të caktuara

Stomatologu është gjithnjë në qendër të parandalimit jo vetëm përsa i përket sëmundjeve të dhëmbëve por edhe përsa i përket shëndetit të përgjithshëm të pacientit, së bashku me mjekun e familjes që është në kontakte më të shpeshta me qytetarin. Një pjesë e mirë e patologjive kronike paraqet edhe rastet orale apo sidoqoftë ndryshon ekuilibrin dhe gjendjen e shëndetit oral. Stomatologu nuk duhet të kufizohet vetëm te kujdesi i dhëmbëve por duhet të jetë gjithmonë i vëmendshëm ndaj ndonjë anomalie që shfaqet te mukoza e gojës dhe të kryejë kontrollet e nevojshme. Për shembull ndodh shpesh që stomatologu të zbulojë njolla të bardha që shfaqen në mënyrë të vazhdueshme, që nuk hiqen lehtë (tek mukoza orale, tek mishrat e dhëmbëve, faqet, gjuha dhe te dyshemeja e gojës) që përcaktohen si leukoplakia.

Një lloj i veçantë leukoplakie, e quajtur leukoplakia pushore apo me fije të shkurtra prek mbi të gjitha personat tek të cilët sistemi imunitar është dobësuar nga medikamentet ose sëmundjet, sidomos HIV/AIDS. Leukoplakia pushore shkakton njolla të bardha që i ngjajnë plagëve apo kreshtave në anët e gjuhës. Shpesh ngatërrohet me mugthin oral. Leukoplakia pushore është rezultati i një infeksioni me virusin Epstein-Barr (EBV). Në momentin që infektohesh virusi qëndron në trup për gjithë jetën. Normalisht, virusi është i fshehur, por nëse sistemi imunitar dobësohet, virusi mund të riaktivizohet duke çuar në kushte të tilla pikërisht si leukoplakia pushore.

Personat e prekur nga HIV/AIDS janë veçanërisht të rrezikuar nga zhvillimi i leukoplakisë pushore. Edhe pse përdorimi i ilaçeve anti - retrovirale e ka zvogëluar numrin e rasteve, leukoplakia pushore prek akoma plot 25% të personave me HIV dhe mund të jetë një nga shenjat e para të infeksionit nga HIV, ja pse stomatologu luan një rol kryesor në diagnozën e hershme të patologjive kronike. Shfaqja e leukoplakisë orale pushore mund edhe të jetë një tregues që terapia atiretrovirale po dështon.

Por jo gjithmonë leukoplakia pushore lidhet me infeksionin nga HIV dhe për këtë flitet në një studim të fundit   (Twenty-first-century oral hairy leukoplakia-a non-HIV-associated entity. Chambers AE, Conn B, Pemberton M, Robinson M, Banks R, Sloan P; Oral Surg Oral Med Oral Pathol Oral Radiol. 2015 Mar;119(3):326-32). Autorët e këtij studimi kanë zgjedhur, në harkun kohor janar 2007 - dhjetor 2013, 35 pacientë me leukoplaki pushore që nuk kishin të bënin me virusin HIV. Është treguar infektimi nga virusi Epstein-Barr (EBV) nëpërmjet hibridizimit në vend me acid ribonukleik primar.

Rezultatet që u arritën nga autoët e këtij studimi janë si më poshtë:
• Pjesa më e madhe e pacientëve (34 nga 35) tregonte plagë të lokalizuara në gjuhë, kryesisht në pjesën anësore (25 nga 34).
• Dy pacientë kishin plagë të dyanshme në pjesën anësore të gjuhës.
• Pacienti i mbetur kishte një plagë që përfshinte dyshemenë e gojës.
• Njëzet e katër plagë kanë treguar rastin e bashkë-infektimit me Candida.
• Njëzet e tetë pacientë tregonin problematika të frymëmarrjes që ndërhynin gjatë progresit të sëmundjes (astmë ose bronkopneumopati kronike obstruktive) që kërkonin përdorimin e rregullt të steroideve me atë të thithjes.
• Katër pacientë ishin duke marrë inalacione të kombinuara me terapinë me steroide sistematike.
• Katër pacientë ishin prekur nga sëmundje autoimune, që kërkonin trajtimin me steroide apo ilaçe të tjera imunosupresive
• Katër pacientë ishin prekur nga diabeti.

Pra mund të arrihet në përfundimin që prania e leukoplakisë pushore nuk është patognomonike me infektim nga HIV ose imunosupresive kronike  e rëndësishme,por shfaqja e saj mund të përcaktohet nga përdorimi i ilaçeve steroide lokale ose inalator kronik.

Nën kujdesin e: Lara Figini, Kordinatore shkencore e Odontoiatria33

Përktheu: Valbona Spahia

Për të votuar duhet të vendosni kredencialet tuaja në Medikey

Interesant ( 133 votim / mesatar 3 )