Rëndësia e parandalimit të patologjive orale dhe promovimi i shëndetit oral janë veçanërisht të rëndësishëm tek individët e prekur nga virusi i imunodeficiencës së fituar (HIV/SIDA). Sëmundjet orale që lidhen me HIV/SIDA përfshijnë si patologjitë e mukozës edhe kushtet parodontale destruktive që lidhen me HIV.

Parandalimi i shfaqjeve orale që derivojnë nga HIV ka bërë me siguri hapa përpara falë futjes së terapisë antiretrovirale shumë aktive (HAART), specifikuar dhe si terapia antiretrovirale e kombinuar (CART), falë së cilës është përftuar një përmirësim i sistemit imunitar të pacientëve; megjithatë strategji të mëtejshme parandaluese janë të nevojshme për të reduktuar në minimum verifikimin ose përsëritjen e kushteve specifike patologjike orale.

Në strategjitë aktuale për të parandaluar manifestime të ndryshme të patologjive orale në rastet me HIV është publikuar një rishikim i kohëve të fundit në Oral Surg Oral Med Oral Pathol Oral Radiol në janar 2016. Autorët kanë drejtuar një rishikim të strukturuar të literaturës në gjuhë angleze në PubMed, duke ndjekur një Search Strategy (strategji kërkimore) në mars 2015.
Nga rezultatet e rishikimit do të përfshihen te strategjitë parandaluese qasjet farmakologjike ndër të cilat terapia antiretrovirale e kombinuar që lidhet me terapi të tjera synuese për parandalimin e kandidozës orofaringeale, herpes oro-labial, leukoplakia orale pushore, sarkoma orale e Kaposi, eritema gingivale lineare dhe parodontiti nekrotizues ulcerativ, siç është ilustruar në Tab. 1. Janë hasur edhe qasje të ndryshme jo farmakologjike për parandalimin e kandidozës orofaringeale, herpesit oro-labial leukoplakisë orale pushore dhe parodontitit nekrotizues ulcerativ. (shih Tab. 1)

Tabela 1: Patologjitë më të shpeshta orale që shfaqen te pacientët e prekur nga HIV dhe qasjet parandaluese të hasura në literaturë

Për shumë kushte të volitshme orale që lidhen me infeksionet nga HIV, trajtimi kronik farmakologjik me HAART është faktori kyç në terapinë parandaluese sepse redukton ngarkesën virale nga HIV, rrit rëndësinë e CD4 dhe përmirëson funksionin imunitar. Antimykotikët dhe barnat antiviral gjithashtu mund të luajnë një rol parandalues për kandidozën orale të përsëritur dhe për sëmundjen e herpesit oro-labial.
Këshillohen fortësisht edhe strategji të tjera jo farmakologjike për të ndihmuar pacientët e prekur nga HIV për të parandaluar sëmundje orale ku thelbësore është mbajtja e një shëndeti optimal oral, ndjekja e një diete ushqimore korrekte dhe të shmangen cigarja dhe drogat.

Nën kujdesin e: Lara Figini, Koordinaore Shkencore e Odontoiatria33.

Bibliografia:
Current strategies for prevention of oral manifestations of human immunodeficiency virus:Lauren L. Patton, DDS ; Oral Surg Oral Med Oral Pathol Oral Radiol 2016;121:29-38

Përktheu: Erjola Taga