Restaurimet e pasme indirekte: kriteret e zgjedhjes dhe procedurat operative

Stomatologjia konservative moderne është gjithmonë e më shumë e orientuar drejt një qasjeje minimalisht invazive. Faktikisht, nëpërmjet heqjes vetëm të indit me karies përcaktohet forma e kavitetit, që pas vlerësimit të faktorëve të mbetur strukturor, do të udhëheqë mjekun në zgjedhjen e tipit të restaurimit.

Zgjedhja e një restaurimi me ngjitje me teknikën indirekte nuk është për tu konsideruar si një alternativë për restaurim me ngjitje me teknikë direkte, por si një alternativë konservative me kurorë, që do të sillte një sakrifikim të indit dentar më të lartë se 50%.

Me futjen e stomatologjisë dixhitale, stomatologut mund ti shërbejë gjithmonë e më shumë një fluks pune i thjeshtëzuar, që duke u nisur nga gjurma dixhitale do të mund të krijojë një produkt përfundimtar plotësisht të punuar nga makineritë nëpërmjet gjuhës kompjuterike. Me shumë mundësi kjo lloj qasjeje do i interesojë edhe restaurimeve të Klasit I, që deri më sot janë trajtuar me teknika me ngjitje direkte.

Në bashkëpunim me teknikun e dhëmbëve, stomatologu gjithmonë do të mund të realizojë restaurime indirekte precize, që nga pikëpamja estetike dhe funksionale mundësojnë pjesë unike, me sa duket të pa imitueshme kurrë nga makineritë. Të kryesh restaurime indirekte të shpejta, precize dhe të besueshme edhe në përmasa të vogla, duke shfrytëzuar kontributin e stomatologut dixhital, do të jetë me siguri realiteti i një të ardhmeje që është pas qoshes. Përfitimi do të jetë i gjithi për stomatologun, pacientin dhe teknikët e ardhshëm të dhëmbëve që i imagjinojmë të kualifikuar si "arkitektët e gojës".

Artikullin e plotë e gjeni duke klikuar këtu.

Përktheu: Erjola Taga