|

Patologji dhe Mjeksi Orale | 16 Qershor 2016 |

Lezione ekzofitike në qiellzë te pacientët pjesërisht pa dhëmbë

Enzo Di Iorio

Prezantimi i rastit
Paraqitet pranë nesh, për t'iu nënshtruar një ekzaminimi më të thellë diagnostikues, një pacient i seksit mashkull 75 vjeçar, pjesërisht pa dhëmbë dhe i rehabilituar nëpërmjet protezave të lëvizshme. Pacienti paraqet në qiellzë, në sektorin frontal, një lezion të gjerë ekzofitik (fig. 1) jo i dhimbshëm me ngjyrë rozë që mbulon mbetjen e rrënjës së elementit 1.1, (fig. 2). Në radiografi nuk hasen çrregullime.
Me marrjen e aprovimit të informuar programohet heqja kirurgjikale e lezionit që do të dërgohet për ekzaminimin histologjik.

Mbi bazën e raportit histologjik përcaktohet diagnoza e fibromës traumatike.

Diagnoza dhe kura
Raporti histologjik dokumenton një hiperplazi të indit lidhës të dendur me infiltrat flogjistik limfo-plazmaqelizor, perivaskular i mbuluar nga një epitel hiperkeratoksik.
Një nga lezionet orale më të shpeshta që haset në stomatologji është fibroma traumatike, e njohur edhe si fibroma e irritimit apo hiperplazia fibroze lokale që duhet nënvizuar më shumë si një neoplazi e vërtetë, lezioni mundëson shprehjen e një reaksioni riparues indor i filluar nga indi lidhës në përgjigje të një ngacmimi kronik. Më shpesh në seksin femëror dhe në individët e rritur, lokalizohet në zonat e mukozës orale shpesh si subjekt i traumave, si mukoza e mbuluar nga protezat e lëvizshme (mbi të gjitha nëse këto nuk janë të përshtatshme me indet në të cilët mbështeten, si në rastin në fjalë), buza e poshtme, mukoza e gojës, kufijtë anësor të gjuhës. Lezioni, stabël i palëvizshëm apo i lëvizshëm me përmasa zakonisht jo më të mëdha se 1,5 cm ka një pamje klinike me mungesë karakteristikash të veçanta: fillimisht paraqitet si një masë me qëndrueshmëri parenkimatoze dhe me ngjyrë të kuqe për shkak të zhvillimit të indit të kokrrizimit, në vijim indi pëson një pamje më fibroze, qëndrueshmëria rritet dhe ngjyra bëhet rozë si shkak i mungesës së vaskularizimit të indit fibroz të bollshëm. Sipërfaqja është e lëmuar por ndonjëherë lezionet sidomos ato më të mëdha mund të bëhen ulcera. Potenciali i rritjes është i limituar.
Nga analizat histologjike shfaqet qartë se rritja e vëllimit të mukozës është rezultati i modifikimeve të indit lidhës subepitelial: vetë fleta është bazë e një proliferacioni të tipit fibroz dhe e një infiltrimi inflamator të tipit kronik. Përgjithësisht lezioni nuk është i dhimbshëm, bëjnë përjashtim rastet në të cilat është prezente ulcera apo infeksioni nga Candida albicans.
Trajtimi konsiston në prerjen kirurgjikale (fig. 3). Përsëritja është e mundshme nëse mbetet stimuli traumatik kronik.

Përktheu: Erjola Taga