Implantologjia e drejtuar kundër Implantologjisë tradicionale. Avantazhet dhe normat e mbijetesës

Në statusin aktual rehabilitimi oral nëpërmjet implanteve, duhet të parashikojë përveç një rezultati në termat e funksionalitetit, edhe një arritje estetike të kënaqshme. Një projektim i kënaqshëm është i nevojshëm pra për të arritur një pozicionim normal të implantit dhe për të arritur këto qëllime (funksionaliteti dhe estetika).
Rreth mesit të viteve nëntëdhjetë, kirurgjia e kompjuterizuar e implanteve është ngritur me shpejtësi dhe ka fituar popullaritet (Verstreken 1996; Jacobs 1999).

Falë këtyre metodikave të kompjuterizuara implantologu mund të sjellë avantazhe të një sasie më të madhe informacionesh preoperatore, duke shijuar avantazhe të rëndësishme në planifikimin e trajtimit përveçse duke pasur mundësinë që të reduktojë hapjen e një kufiri muco-periosteal, madje duke e eliminuar, duke provokuar kështu më pak dhimbje dhe shqetësime për pacientët gjatë periudhës post-operatore.
Por provat në mbështetje të hipotezës që ka një avantazh klinik real duke përdorur kirurgjinë e kompjuterizuar të drejtuar në krahasim me pozicionimin konvencional të implanteve me dorë të lirë, për rehabilitimin e një dhëmbi të vetëm, janë akoma të limituara.

Një rishikim i fundit i publikuar në Eur J Oral Implantol 2016 ka hetuar pikërisht në këtë kuptim. 19 studime klinike, që kanë analizuar rezultatet klinike të implantologjisë së drejtuar nga kompjuteri për dhëmbë të veçantë që mungojnë, janë identifikuar dhe janë futur në këtë rishikim, duke përfshirë 342 implante të veçanta të pozicionuar në 209 pacientë (midis 18 dhe 67 vjeç), me një follow-up ndërmjet 12 dhe 52 muajsh dhe me një normë mbijetese grumbulluese që lëkundet nga 96.5% në 100%.
Nga ky rishikim ka dalë që normat e mbijetesës, nga 1 vit në 5 vjet, për implantologjinë e drejtuar nga kompjuteri janë të krahasueshme me atë ku pozicionimi i implantit është kryer me dorë të lirë në mënyrë konvencionale duke mos zbuluar asnjë diferencë të dukshme midis dy metodikave klinike.

Por studimet klinike që janë përfshirë në këtë rishikim nuk kanë sjellë komplikacionet specifike të implantologjisë së drejtuar nga kompjuteri siç janë fraktura e modelit, pozicionimi jo i saktë i implantit, ndryshimi i planit të trajtimit, mungesa e qëndrueshmërisë primare ose realizimi i protezave të papërshtatshme.
Një nga avantazhet e padiskutueshme të kirurgjisë implantare të drejtuar është mininvaziviteti, sepse është e mundur të reduktohen ose të evitohen kufijtë, duke lejuar ruajtjen maksimale të papilave peri-implantare dhe reduktimi i recesioneve të mukozave.
Procedura e drejtuar ofron një planifikim më të mirë dhe thjeshtësi të procedurës duke favorizuar profesionistët ndoshta edhe më pak ekspertë. Sigurisht që kostot e kësaj metodike të drejtuar janë më të larta dhe për këtë duhet informuar pacienti përpara trajtimit, duke vlerësuar bashkë me të kostot dhe përfitimet.

Nën kujdesin e: Lara Figini, Koordinatore Shkencore e Odontoiatria33

Bibliografia:
- Verstreken K, Van Cleynenbreugel J, Marchal G, Naert I, Suetens P, van Steenberghe D. Computer-assisted planning of oral implant surgery: a three-dimensional approach. Int J Oral Maxillofac Implants 1996;11: 806-810.
- Jacobs R, Adriansens A, Verstreken K, Suetens P, van Steenberghe D. Predictability of a three-dimensional planning system for oral implant surgery. Dentomaxillofac Radiol 1999;28: 105-111.
- Eur J Oral Implantol. 2016;9(2):135-53. Guided surgery with tooth-supported templates for single missing teeth: A critical review. Pozzi A, Polizzi G, Moy PK.

Përktheu: Valbona Spahia