|

Shëndeti oral dhe pneumonia. Një studim Amerikan mbi 26 mijë pacientë ka studiuar lidhjen mes tyre

Pacientët që kryejnë në mënyrë periodike vizitën e kontrollit te dentisti dhe seancat e higjienës orale kanë më pak probabilitet për t'u sëmurur me pneumoni. Këtë e ka pohuar Michelle Doll, profesor i mjekësisë interne në Universitetin e Virgina Commonwealth në Richmond në SH.B.A, i cili ka paraqitur në kongresin e Infectious Diseases Society of America që është mbajtur këto ditë në New Orleans, rezultatet e një studimi mbi 26.000 pacientë.

"Ka një lidhje të dokumentuar mirë midis shëndetit të gojës dhe pneumonisë" - ka deklaruar Doll në një konferencë për shtyp. "Vizitat stomatologjike janë të rëndësishme për të mbajtur një nivel të mirë të shëndetit oral. Nuk mund të eliminojmë të gjitha bakteret e zgavrës orale, por higjiena personale dhe profesionale janë në gjendje të kufizojnë sasinë e mikroorganizmave të pranishme."
Çdo vit një milion Amerikanë sëmuren me pneumoni dhe nga këto 50.000 vdesin për shkak të komplikacioneve të kësaj sëmundjeje infektive të frikshme; sipas kërkueses shumë pneumoni vijnë nga gëlltitja e sekrecioneve orale në rrugët e ajrit.

Studimi është realizuar mbi një kampion prej 26.000 pacientësh të dhënat e të cilit janë vënë në dispozicion nga kompanitë e sigurimeve. Pacientët janë gjurmuar në periudhën e viteve 2013/2014 për të vlerësuar aksesin ndaj trajtimeve dentare. Rastet me pneumoni që janë diagnostikuar në periudhën e studiuar kanë qenë 450.
Tabela e mëposhtme tregon përqindjen e pacientëve që nuk janë prekur nga pneumonia në marrëdhënie me shpeshtësinë e vizitave te dentisti:

"Risku i pneumonisë" - përfundojnë kërkuesit - "duket se është zvogëluar te ata që ndjekin rregullisht vizitat stomatologjike rutinë."

Nën kujdesin e: Davis Cussotto, stomatolog

Përktheu: Valbona Spahia

Për të votuar duhet të vendosni kredencialet tuaja në Medikey

Interesant ( 99 votim / mesatar 3 )